Վերակենդանացման բաժանմունքում մահացել է ռուս դերասանը, որին հայտնաբերել էին կոտրվածքներով

Բոտկինսկի հիվանդանոցի ինտենսիվ թերապիայի բաժանմունքում մահացել է ռուս դերասան Իգոր Ռեգները, որին հայտնաբերել են բազմաթիվ կոտվածքներով ու տեղափոխել վերակենդանացման բաժանմունք, հայտնում է «Կոմսոմոլսկայա պրավդա»-ն։

«Պատժագումարտակ» սերիալի աստղը մեկ շաբաթից ավելի կոմայում է եղել։ Նրա վիճակը գնահատվում էր ծանր, ինչի պատճառով նա միացված էր թոքերի արհեստական օդափոխության սարքին։ 56-ամյա Ռեգները մահացել է՝ գիտակցության չգալով։

Մի քանի օր առաջ հայտնի է դարձել, որ դերասանին գտել են տանը մահամերձ վիճակում։ Նա ծանր վիճակի պատճառով չի կարողացել պատմել վնասվածքների պատճառների մասին, բժիշկներն արտիստի վիճակի մասին հայտնել էին ոստիկանությանը։

Ավելի ուշ Ռեգների մտերիմ ընկերը հայտարարել է, որ վերջինս ընկել է աստիճաններից։ Դերասանին տեղափոխել էին վնասվածքաբանական կետ, ուր բժիշկը, հայտնաբերելով փակ կոտրվածքներ, հայտարարել է, որ հոստիպալացում հարկավոր չէ։ Վեց օր անց արտիստի վիճակը վատացել է։

Իգոր Ռեգները զբաղվում էր ուժային սպոտաձեւերով։ Սկսել է նկարահանվել 90-ականներին՝ «Խուզարկու Դուբրովսկու դոսյեն», «Սերը ռուսական ձեւով», «Զինվորներ», «Ռոմանովներ թագակիր ընտանիքը», «Սառցե դարաշրջան»։