Պատմական Կիլիկիայի վերջին հայաբնակ գյուղի մասին ֆիլմը կներկայացվի նաև թուրք հանդիսատեսին
Այժմյան Թուրքիայի տարածքում գտնվող Հաթայի նահանգի մեջ մտնող հայկական Վագըֆ գյուղի (պատմական Կիլիկիայի գյուղերից) մասին նկարահանված փաստավավերագրական ֆիլմը թարգմանվում է թուրքերեն, այս մասին հայտնում է Ստամբուլի հայկական պարբերականներից «Ակօսը»:
Կիլիկիայի վերջին հայաբնակ գյուղը, որտեղ մինչ օրս բնակվում է շուրջ 100 հայ (բնակչության թիվը տատանվում է՝ ամռան ամիսներին որոշակի աճ գրանցելով), դեռևս տարիներ առաջ հայտնվեց թուրքաբնակ լուսանկարիչ Սայիդ Սերքան Գյուրբուզի ու ամերիկացի Կարոլին Թրենդ Գյուրբուզի ուշադրության կենտրոնում, որոնք 2012թ.-ին «Նոսրացող համայնք. Վագըֆ՝ Թուրքիայի վերջին հայկական գյուղը» անվանումով փաստավավերագրական ֆիլմ նկարահանեցին վագըֆցիների համայնքի մասին:
Անկարայում ԱՄՆ դեսպանատան և ԱՄՆ պետքարտուղարության դաշնային դրամաշնորհների ֆինանսավորմամբ իրականացված նախագիծը պատմում է Վագըֆի բնակիչներից Քամի Քարթունի կյանքի մասին և բարձրաձայնում մեր օրերում Թուրքիայի հայության վերապրած խնդիրների, հետզհետե նոսրացող բնակչության տագնապների, կրթական, սոցիալական ու հասարակական խնդիրների մասին:
Նշենք, որ Վագըֆ գյուղը (թուրքերեն անունը Վաքըֆլը) պատմական Կիլիկայի տարածքում գտնվող վերջին հայկական գյուղն է: Այն հաճախ անվանում են Թուրքիայի միակ հայկական գյուղը, քանի որ այն միակն է, որ ունի գործող եկեղեցի և երկրում պաշտոնապես գրանցված է որպես քրիստոնեական հայկական համայնք, մինչդեռ մահմեդականացված կամ ծպտյալ քրիստոնյա հայերի մի շարք գյուղեր ամբողջ Թուրքիայի տարածքում նման գրանցում չունեն՝ պետության ու պատրիարքարանի կողմից գրանցված և գործող եկեղեցի չունենալու պատճառով:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է