Կուբանի բնակիչը ձերբակալության ժամանակ կտրել է լեզվի մի մասը
Կուբանի բնակիչը տրավմատիկ ատրճանակով կրակել է թմրադեղերի ոստիկանի վրա եւ դիմել է փախուստի, սակայն նրան արագ գտել են, իսկ ձերբակալության ժամանակ նա կտրել է լեզվի մի մասը, հայտնել է Կրասնոդարի երկրամասի ՌԴ ՔԿՔՎ-ն:
Ըստ հետաքննության` հուլիսի 30-ին թմրանյութերի շրջանառության վերահսկման բաժնի օպերատիվ աշխատակիցը, օպերատիվ տեղեկատվություն ստանալով, Լենինի փողոցում կասկածելի տղամարդուց պահանջել է կանգ առնել: Ի պատասխան` նա տրավմատիկ զենքից մի քանի կրակոց է արձակել եւ անհետացել: Ոստիկանը կապտուկներ ունի իրանի եւ ազդրի հատվածում: Հարուցվել է քրեական գործ` ՌԴ քրեական օրենսգրքի 318-րդ հոդվածի 2-րդ մասով (կյանքի կամ առողջության համար վտանգավոր պետական պաշտոնյայի նկատմամբ բռնության կիրառում):
«Քննիչը պարզել է կասկածյալի ինքնությունը: Պարզվել է, որ նա տեղի 29-ամյա բնակիչ է: Տուժածը նույնականացրել է տղամարդուն որպես իր վրա կրակոցներ արձակած անձ: Ձերբակալության ընթացքում կասկածյալն իրեն մարմնական վնասվածքներ է պատճառել` կտրելով լեզվի մի մասը: Ներկայումս նրա կյանքին ոչինչ չի սպառնում»,- հավելում են հաղորդագրության մեջ:
Տղամարդը ձերբակալվել է, հետաքննությունը ստուգում է թմրանյութերի ապօրինի շրջանառության մեջ նրա մասնակցության մասին տեղեկատվությունը:
Մադուրոյի արկածները տանը եւ դրսում
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Թրամփը վախենում էր Վենեսուելայում ռազմական գործողության ձախողումից. NYT
Վարչապետ Նիկոլ Փաշինյանը պատասխանում է լրագրողների հարցերին
Կառավարությունը քաղաքացիներին գումար չի բաժանում․ ՀՀ ԱՍՀ նախարարությունը հերքում է սոցցանցերում տարա...
«Մարշալ Բաղրամյան» կայարանը գործում է նորացված տեսքով
Ուժեղ փոթորիկ Ստամբուլում
Սիրիայի նախագահը հեռախոսազրույց է ունեցել Մակրոնի և Էրդողանի հետ
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ