Սաակաշվիլի․ «Ուկրաինայի և Վրաստանի իշխանություններն իմ դեմ դավադրություն են նախապատրաստում»
Վրաստանի նախկին նախագահ և Օդեսայի նախկին նահանգապետ Միխեիլ Սաակաշվիլին պնդում է, որ ուկրաինական և վրացական իշխանություններն իր դեմ դավադրություն են նախապատրաստում, որպեսզի իրեն մեղադրեն Վրաստանում պետական հեղաշրջում կազմակերպելու մեջ։ Այս մասին Սաակաշվիլին գրել է ֆեյսբուքյան իր էջում։
«Վրացական իշխանությունները Պորոշենկոյին խոստացել են, որ իմ դեմ մեղադրանք են առաջադրելու սեպտեմբերի 10-ին», - մասնավորապես՝ հայտարարել է նա։
Սաակաշվիլիի կարծիքով՝ «Ուկրաինայի նախագահին և գլխավոր դատախազին իրավական հիմքեր են պետք ուկրաինական սահմանը հատելուց հետո իրեն ձերբակալելու համար»։
«Պետական հեղաշրջման փորձն ուղղակի քաղաքական հոդված է, որն այնքան ծիծաղաշարժ է, որ ոչ ոք այդ բոլոր գործերի շինծու լինելու հարցում կասկած չի ունենա», - նաև գրել է Սաակաշվիլին։
Շաբաթ օրը վրացական «Ռուսթավի 2» հեռուստաընկերության գլխավոր տնօրեն Նիկա Գվարամիան երկրի Ներքին գործերի նախարարության քննչական ծառայություն կատարած իր այցից հետո ենթադրություն էր հայտնել, որ Սաակաշվիլիի դեմ հայրենիքում հնարավոր է քրեական գործ հարուցեն՝ իշխանությունը զավթելու փորձի մեղադրանքով։
Ուկրաինայի նախագահ Պետրո Պորոշենկոն, հիշեցնենք, զրկել է Սաակաշվիլիին Ուկրաինայի քաղաքացիությունից:
Ըստ հաղորդագրության՝ Սաակաշվիլին Ուկրաինայի քաղաքացիությունից զրկվել է, որովհետև 2015 թվականին քաղաքացիություն ստանալու դիմումում կեղծ տվյալներ է ներկայացրել: Մասնավորապես, նա չի նշել, որ Վրաստանում իրեն առնչվող քրեական գործ է հարուցված:
Իրեն Ուկրաինայի քաղաքացիությունից զրկելու որոշումը Սաակաշվիլին կապում է Պորոշենկոյի վերջերս Վրաստան կատարած այցի հետ։
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
Մունդիալ-2026․ մեկնարկն արդարացնո՞ւմ է սպասելիքները
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...