Տհաճ միջադեպ Պեպեի և Մխիթարյանի միջև. խաղը քիչ էր մնում` վերածվեր ծեծկռտուքի

«Պորտուի» և Պորտուգալիայի ազգային հավաքականի պաշտպան Պեպեի կոպիտ վրիպումը կարող էր Հենրիխ Մխիթարյանի ծանր վնասվածքի պատճառ դառնալ:

«Ռոմայի» կիսապաշտպան Հենրիխ Մխիթարյանը կարող էր անկանխատեսելի հետևանքներով վնասվածք ստանալ Իտալիայի «Ռոմայի» և Պորտուգալիայի փոխչեմպիոն «Պորտուի» միջև ընկերական խաղում։

Հենրիխ Մխիթարյանի գոլը եվրագավաթային ուղեգիր պարգևեց «Ռոմային». տեսանյութ
Երկրորդ խաղակեսի միջնամասում Պեպեն կոպտորեն հրեց Մխիթարյանին ու նրան գցեց խոտածածկի վրա։ Մխիթարյան ընկնելիս քիչ էր մնումէ ոտքով դիպչի մրցակցի դեմքին։

Հենրիխը զայրացավ, և նրա զայրույթը միանգամայն արդարացի էր։ Խաղընկերոջն օգնության հասան «Ռոմայի» ֆուտբոլիստները, և խաղը քիչ էր մնում` վերածվի մասշտաբային ծեծկռտուքի։

«Թիմի կատարած ֆանտաստիկ աշխատանք». Մխիթարյանը տեսանյութ է հրապարակել ցնծացող մարզադաշտից

Հույզերը, բարեբախտաբար, երկար չապրեցին, բայց զարմանալիորեն` մրցավարը դեղին քարտ ցույց տվեց միայն Մխիթարյանին։

«Ռոմայի» նորանշանակ գլխավոր մարզիչ Ժոզե Մոուրինյոն անմիջապես փոխարինեց Մխիթարյանին, Պեպեն փոխարինվեց մի քանի րոպե անց: