Էրդողանը վախի մեջ է. ընդդիմադիր պատգամավորը մեկնաբանել է ԱՀԾ-ն նախագահականին կցելու որոշումը
Թուրքիայի «Ժողովրդահանրապետական կուսակցության» (ԺՀԿ-CHP) խորհրդարանական խմբակցության փոխնախագահ Լևենտ Գյոքը քննադատել է երկրի ազգային հետախուզական ծառայությունը (MİT-ԱՀԾ) կառավարության ենթակայությունից նախագահականին փոխանցելու որոշումը:
Գյոքը նշել է, որ այսպիսով նախագահականի խուզարկու պետությունն է ստեղծվում՝ ավելացնելով, թե սա ցույց է տալիս, որ Ռեջեփ Թայիփ Էրդողանը վախի մեջ է:
«Անվտանգության և հետախուզության վերահսկողության գործառույթներից զրկվելով՝ կառավարությունը մի դատարկ նախարարություն է դառնում: Այս որոշումներով Բինալի Յըլդըրըմից «Ինալի» թողեցին: Նախագահական պալատի խուզարկու պետությունն է հիմնվում․ ԱՀԾ-ն ենթարկում են այն պոստին, որը զբաղեցնեւմ է Էրդողանը: ԱՀԾ-ն ըստ Էրդողանի է հարմարեցվում: Այստեղ Էրդողանն իր խորքային պետությունն է հիմնում: Սա նաև ցույց է տալիս նախագահի անվստահությունը վարչապետի նկատմամբ: Երևում է՝ Էրդողանը մեծ վախի մեջ է: Իր վարչապետից վախենում է, կուսակցության մասնաճյուղերի ղեկավարներից վախենում է»,- ըստ թուրքական «Gazeteduvar.com,tr» լրատվական կայքի՝ ասել է Գյոքը:
Նշենք, որ Թուրքիայի կառավարության պաշտոնաթերթում հրապարակված տեղեկության համաձայն՝ այսուհետ երկրի ԱՀԾ-ն անցնելու է նախագահականի հսկողությանը:
Աղբյուրը` Ermenihaber.am
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
Լուկաշենկոն խոսել է նախագահի պաշտոնից հեռանալու մասին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
61 միլիոն եվրո․ Մբապեն դատարանում հաղթել է ՊՍԺ–ին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)