Ջիգանի դուստրը հիստերիա է բարձրացրել ծնողների՝ տիեզերք թռչելու պլանների պատճառով

Ռուս ռեփեր Ջիգանի կինը՝ Օքսանա Սամոյլովան, երկրպագուների հետ կիսվել է 2027 թվականի մեծ ծրագրերով։ Նրա խոսքով՝ իրենք ամուսնու հետ այդ ընթացքում նախանշել են դեպի տիեզերք թռիչքը։

Instagram-ի Stories բաժնում հրապարակվել է մոդելի եւ ռեփերի լացող ու գոռացող կրտսեր դստեր տեսագրությունը, որը հիստերիայի մեջ է ընկել տիեզերք թռչելու ծնողների պլանների պատճառով:

«Երբ ծնողներն արձակուրդ են գնում Երկրի ուղեծիր, իսկ քեզ չեն վերցնում իրենց հետ», - կադրերը մակագրել է մոդելը:

Սամոյլովայի խոսքով՝ իրենք ամուսնու հետ պատրաստվում են ուղեծրում գտնվող հյուրանոց այցելել, որը կկառուցվի 2027 թվականին: Ջիգանի կինը նշել է, որ երեխաներին այնտեղ թռչել չի կարելի։ Իմանալով այդ մասին՝ աստղային զույգի դուստրը շատ է վշտացել, սակայն բլոգերը խոստացել է աղջկան, որ նա կկարողանա լինել տիեզերքում, երբ մեծանա։

Ջիգանն ու նրա կինը դաստիարակում են երեք դուստրերին՝ Արիելային, Լեային ու Մայային։ Տիեզերք թռիչքի մասին լուրերի պատճառով արտասվել է կրտսեր աղջիկը, ով ապրիլին դարձել է 4 տարեկան։ Բացի դուստրերից, աստղային զույգը ունի մեկ տարեկան որդի՝ Դավիթը:

Ավելի վաղ Օքսանա Սամոյլովան պատմել էր, որ մերձմոսկովյյան իրենց առանձնատունը փոթորիկի պատճառով վնասվել է: Պատճառված վնասը կազմել է գրեթե 2 մլն ռուբլի։