«Մանչեսթեր Սիթին» պայմանագիր է կնքել 35-ամյա դարպասապահի հետ

Ֆուտբոլի Անգլիայի չեմպիոն «Մանչեսթեր Սիթին» մեկ տարվա պայմանագիր է կնքել անգլիացի դարպասապահ Սքոթ Կարսոնի հետ, hաղորդում է ակումբի մամուլի ծառայությունը:

Նախորդ 2 մրցաշրջաններում 35-ամյա դարպասապահը վարձավճարով էր հանդես գալիս մանչեսթերյան ակումբում, իսկ նրա տրանսֆերային իրավունքը պատկանում էր անգլիական «Դերբիին»: «Մանչեսթեր Սիթիի» կազմում նա նորամուտը նշել էր «Նյուքասլի» դեմ Պրեմիեր լիգայի 36-րդ տուրի խաղում (4:3): Դրանից առաջ Կարսոնը Պրեմիեր լիգայում խաղացել էր 2011 թվականին, երբ հանդես էր գալիս «Վեստ Բրոմվիչի» կազմում: