Ռուսաստանը վճարել է Տաջիկստանում սահմանապահ ուղեկալի կառուցման համար
Աֆղանստանի հետ Տաջիկստանի սահմանին Ռուսաստանի մասնակցությամբ կկառուցվի ժամանակակից սահմանապահ ուղեկալ։ Այս մասին ՌԻԱ «Նովոստի»-ին ասել է Աֆղանստանի գծով ՌԴ նախագահի հատուկ ներկայացուցիչ, Ռուսաստանի ԱԳՆ Ասիայի երկրորդ վարչության տնօրեն Զամիր Քաբուլովը։
Նրա խոսքով՝ Մոսկվան ֆինանսական աջակցություն է ցուցաբերում, բոլոր միջոցները նախագծի համար արդեն հատկացված են։
Ավելի վաղ ԱԳՆ ղեկավար Սերգեյ Լավրովը հայտարարել էր, որ Ռուսաստանը ոչինչ չի ձեռարկի Աֆղանստանի ուղղությամբ, քանի դեռ իրավիճակը «Թալիբան» շարժման (ՌԴ-ում ճանաչված է որպես ահաբեկչական կազմակերպություն) հետ կապված՝ զարգանում է միայն աֆղանական տարածքում։ Սակայն նա ավելացրել էր, որ Մոսկվայում անհանգիստ են Աֆղանստանին հարեւան Տաջիկստանի տարածք «անախորժությունների տեղափոխման» հնարավորությունից։
Իրավիճակն Աֆղանստանում հատկապես լարված դարձավ այն բանից հետո, երբ մայիսի 1-ին ԱՄՆ-ը եւ ՆԱՏՕ երկրները սկսեցին զորքերի պաշտոնական դուրսբերումն աֆղանական տարածքից։ ԱՄՆ նախագահ Ջո Բայդենն ասել է, որ ամերիկյան բանակը երկրից ամբողջովին կհեռանա մինչեւ սեպտեմբերի 11-ը։ Աֆղանստանի մայրաքաղաքի օդանավակայանի անվտանգությունը ամերիկյան զորքերի հեռանալուց հետո ծրագրում է ապահովել Թուրքիան։
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
94 տարեկանում մահացել է սպարապետ Վազգեն Սարգսյանի հայրը
Վարչապետ Նիկոլ Փաշինյանը պատասխանում է լրագրողների հարցերին
Թրամփը վախենում էր Վենեսուելայում ռազմական գործողության ձախողումից. NYT
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ
Կառավարությունը քաղաքացիներին գումար չի բաժանում․ ՀՀ ԱՍՀ նախարարությունը հերքում է սոցցանցերում տարա...
Որ ակումբն է ցանկանում գնել Ռոնալդուն
Սիրիայի նախագահը հեռախոսազրույց է ունեցել Մակրոնի և Էրդողանի հետ
«Մարշալ Բաղրամյան» կայարանը գործում է նորացված տեսքով