ԱԻԲԱ–ն ավելացրել է սիրողական բռնցքամարտի քաշային կարգերը

Բռնցքամարտի միջազգային ասոցիացիայի (AIBA) տնօրենների խորհուրդը հաստատել է սիրողական բռնցքամարտի տարիքային բոլոր խմբերում նոր քաշային կարգերը: Որոշումն ուժի մեջ կմտնի 2021թ. օգոստոսի 1-ից, հաղորդում է ՀԱՕԿ լրատվականը:

Տղամարդկանց քաշային կարգերը 10-ից կհասնի 13–ի, իսկ կանանցը 10-ից՝ 12-ի:

Փոփոխությունները կատարվել են մարզիկների առողջությունը չվնասելու, անձնական քաշը հեշտությամբ կարգավորելու և ֆիզիկական համաչափությունը հնարավորինս հավասարեցնելու համար:

Տղամարդիկ. 48կգ, 51, 54,57, 60, 63.5, 67, 71, 75, 80, 86, 92 և գերծանր քաշ՝ +92կգ:

Կանայք. 45կգ, 50, 52, 54,57, 60, 63, 66, 70,75, 81 և գերծանր քաշ՝ + 81կգ: