Լիտվան պատ կկառուցի Բելառուսի հետ սահմանին միգրանտներից պաշտպանվելու համար
Լիտվայի վարչապետ Ինգրիդա Շիմոնիտեն հայտարարել է Բելառուսի հետ սահմանին պատ կառուցելու մասին՝ ապօրինի միգրանտների հոսքի բազմակի աճի պատճառով, հայտնում է Reuters-ը:
«Սա հստակ նշան եւ որոշակի զսպիչ միջոց կդառնա նրանց համար, ով կազմակերպում է անօրինական միգրանտների հոսքը»,- ասել է Շիմոնիտեն եւ նշել, որ կառավարությունը պետական սահմանների պաշտպանության գործում նաեւ զինվորականների է ներգրավելու:
Երկրի իշխանությունները պատ կառուցելու մասին առաջին անգամ մտածեցին հունիսի կեսին՝ փախստականների հետ կապված խնդիրները լուծելու համար: Ենթադրվում էր, որ գիծը կամրապնդվի պարիսպի երկու շարքով, փշալարերով եւ ազդանշանային համակարգով: ՆԳՆ-ն նախագծի արժեքը 15 միլիոն եվրո է գնահատել:
Հուլիսի 2-ին Լիտվայի կառավարությունն արտակարգ ռեժիմ էր ներդրել՝ Մերձավոր Արեւելքից ապօրինի միգրանտների հոսքի պատճառով, որոնք Բելառուսի տարածքով մտնում են Բալթյան երկրներ: Ըստ լիտվացի սահմանապահների՝ ապօրինի ներգաղթյալների թիվը 2020-ի համեմատ աճել է ավելի քան տասն անգամ:
Ստեղծված իրավիճակում Վիլնյուսը մեղադրել էր պաշտոնական Մինսկին եւ անձամբ Բելառուսի նախագահ Ալեքսանդր Լուկաշենկոյին: Ենթադրվում է, որ երկրի իշխանություններն իրենց ազգային տուրօպերատոր «Ցենտրկուրորտ» օգտագործում են Սիրիայից եւ Իրաքից լիտվական սահմաններ միգրանտներին տեղափոխելու եւ դրանով գումար են վաստակում:
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
94 տարեկանում մահացել է սպարապետ Վազգեն Սարգսյանի հայրը
Վարչապետ Նիկոլ Փաշինյանը պատասխանում է լրագրողների հարցերին
Թրամփը վախենում էր Վենեսուելայում ռազմական գործողության ձախողումից. NYT
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ
Կառավարությունը քաղաքացիներին գումար չի բաժանում․ ՀՀ ԱՍՀ նախարարությունը հերքում է սոցցանցերում տարա...
Որ ակումբն է ցանկանում գնել Ռոնալդուն
Սիրիայի նախագահը հեռախոսազրույց է ունեցել Մակրոնի և Էրդողանի հետ
«Մարշալ Բաղրամյան» կայարանը գործում է նորացված տեսքով