Նիգերիայում ահաբեկիչների հարձակումների հետեւանքով զոհվել է յոթ մարդ

Առնվազն յոթ մարդ է սպանվել Նիգերիայի հյուսիս-արեւելքում՝ Կադունա նահանգի բնակավայրերի վրա ահաբեկիչների առանձին հարձակումների հետեւանքով, հաղորդում է Սինխուան:

Նահանգի ներքին անվտանգության եւ ներքին գործերի հանձնակատար Սամուել Արուվանի խոսքով՝ ուրբաթ ահաբեկիչները կատարել են մի քանի հարձակում Կադունայի Չիկուն, Քաջուրու եւ Գիվա շրջանների վրա: Նրա հաղորդմամբ՝ շուրջ յոթ քաղաքացի է զոհվել, ընդ որում՝ չորս մարդ առեւանգվել եւ սպանվել է ահաբեկիչների կողմից Չիկունում, եւս մեկ մարդ սպանվել է նույն օրը Գիվա շրջանում:

Պաշտոնյայի խոսքով՝ շաբաթ վաղ առավոտյան նահանգի կառավարությունը նաեւ հաղորդագրություն է ստացել Քաջուրու շրջանից, որտեղ սպանվել է եւս երկու մարդ: Անվտանգության ծառայությունները հետաքննում են այդ հարձակումը, ասել է նա:

Վերջին ամիսներին Նիգերիայում տեղի են ունեցել ահաբեկիչների հարձակումներ, որոնց հետեւանքով առեւանգվել կամ սպանվել է մի քանի մարդ: