Իսրայելի արտգործնախարար. ԱՄԷ այցը Մերձավոր Արեւելքի այլ երկրների հետ խաղաղության ճանապարհի սկիզբ է դարձել
Իսրայելի արտգործնախարար Յաիր Լապիդը հայտարարել է, որ Արաբական Միացյալ Էմիրություններ իր այցը Մերձավոր Արեւելքի այլ երկրների հետ խաղաղության ճանապարհի միայն սկիզբն է, հաղորդում է Reuters-ը:
«Այս այցը խաղաղության ճանապարհի վերջը չէ, սա միայն սկիզբն է»,- ասել է նա լրագրողներին: «Մենք մեկնեցինք մեր ձեռքը: Հուսով եմ, որ այս այցը շատերից առաջինը կլինի, եւ որ մեր նոր ընկերների հետ միասին մենք կշարունակենք պատմություն կերտել ողջ տարածաշրջանում»:
ԱՄԷ-ն եւ Բահրեյնը կարգավորել են հարաբերությունները Իսրայելի հետ՝ Դոնալդ Թրամփի վարչակազմի միջնորդությամբ իրականացվող, այսպես կոչված, «Աբրահամյան փաստաթղթերի» շրջանակներում: Այդ օրինակին հետեւել են Սուդանը եւ Մարոկկոն:
Լապիդը հրաժարվել է մեկնաբանել, թե արդյոք Իսրայելը համաձայնեցնում է Իրանի քաղաքականությունը Պարսից ծոցի երկրների հետ՝ ասելով, որ չի ցանկանում «ամաչեցնել» հյուրընկալողին, բայց նշել է, որ իր երկիրը մտահոգված է միջուկային գործարքից: «Այն, ինչ մենք պետք է անենք, համոզվելն է, որ այն, ինչ մենք ստանալու ենք Իրանի հարցով, լավ գործարք է»,- ասել է նա՝ հավելելով, որ Իսրայելը այդ հարցը քննարկում է Միացյալ Նահանգների հետ:
Իր երկօրյա այցի ընթացքում Լապիդը Աբու Դաբիում բացել է Իսրայելի դեսպանությունը եւ Դուբայում՝ հյուպատոսությունը:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Գազամատակարարման վթարային դադարեցում Երևանի մի շարք հասցեներում
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը