Ոստիկանությունն ուժ է գործադրել Ստամբուլում գեյ շքերթը ցրելու համար

Ստամբուլի ոստիկանությունը նախօրեին արցունքաբեր գազ է կիրառել տեղական իշխանությունների կողմից արգելված գեյ շքերթում մասնակցելու մտադրություն ունեցող մարդկանց ցրելու համար, հաղորդում է Ahval-ը: Այդ ընթացքում 20 մարդ է բերման ենթարկվել:

Ոստիկանությունը ֆիզիկական ուժ է գործադրել մարդկանց նկատմամբ, որոնք ծածանում էին ծիածանի դրոշները, երբ հավաքվել էին Թաքսիմ գլխավոր փողոցի մոտակայքում:

Բերման ենթարկված 20 մարդկանց շրջանում եղել են լրագրողներ, այդ թվում՝ Agence France-Presse (AFP) ֆրանսիական տեղեկատվական գործակալության լուսանկարիչը:

Այս շաբաթ ավելի վաղ Ստամբուլի նահանգապետի գրասենյակը հայտարարել էր, որ Ստամբուլում ԼԳԲՏ+ 19-րդ քայլերթը, որը պետք է կայանար շաբաթ Մալթեփի շրջանում, արգելվել է:

Թուրքիան զբաղեցնում է երկրորդ տեղը Եվրամիությունում ԼԳԲՏ ներկայացուցիչների թվով «Rainbow Europe»-ի 2021 թվականի վարկանշով, որը կազմվում է ԼԳԲՏ անձանց իրավունքները պաշտպանող ILGA-Europe Բրյուսելյան հասարակական կազմակերպության կողմից: