Իսրայելի ոստիկանությունն անհամաչափ ուժ է գործադրել պաղեստինցի ցուցարարների դեմ. Amnesty International

Amnesty International բրիտանական կազմակերխությունը մեղադրել է իսրայելյան օկուպացիոն ոստիկանությանն Արեւելյան Երուսաղեմում պաղեստինցի խաղաղ ցուցարարների դեմ չափազանց դաժան ուժ գործադրելու մեջ, հաղորդում է МEMO-ն՝ հղում անելով կազմակերպության մամուլի ծառայությանը:

«Իսրայելի ոստիկանությունը գործել է մի շարք խախտումներ պաղեստինցիների նկատմամբ Իսրայելում եւ օկուպացված Արեւելյան Երուսաղեմում՝ ներառյալ խաղաղ ցուցարարների դեմ անօրինական ուժի գործադրումը, զանգվածային ձերբակալումներն ու բերման ենթարկվածների խոշտանգումները»,-ասված է մամուլի հաղորդագրության մեջ:

Amnesty International-ի տվյալներով՝ իսրայելյան ոստիկանությունը չի կարողացել պաշտպանել Իսրայելի պաղեստինցի քաղաքացիներին «հրեական գերազանցության» կողմնակիցների զինված խմբերի կանխամտածված հարձակումներից՝ հաշվի առնելով, որ ոստիկանությունը պետք է նախապես տեղեկացված լիներ հարձակումների մասին:

Կազմակերխությունը հավելել է, որ ոստիկանությունը կիրառել է անհարկի եւ չափազանց մեծ ուժ պաղեստինցի ցուցարարներին ցրելու համար, որոնք հավաքվել էին Արեւելյան Երուսաղեմից հարկադրաբար վտարելու կապակցությամբ, ինչպես նաեւ Գազայում հարձակման դեմ, մինչդեռ հրեա գործիչներին թույլտատրված էր ցույցեր կազմակերպել:

Իրենց հետաքննությունից հետո Amnesty International-ը կոչ է արել ՄԱԿ-ի Մարդու իրավունքների խորհրդի Քննչական հանձնաժողովին հետաքննել իսրայելյան ոստիկանության կողմից խախտումների մտահոգիչ պատկերը: