Մոսկվան շահագրգռված է Ռուսաստան-ԵՄ գագաթնաժողով անցկացնելու հարցում. Պեսկով
Կրեմլում անհասկանալի են ԵՄ որոշ երկրների հայտարարությունները Ռուսաստանից եկող սպառնալիքի մասին, հայտարարել է նախագահի մամուլի քարտուղար Դմիտրի Պեսկովը, գրել է ՌԻԱ Նովոստի-ն:
«Մենք գիտենք, որ խոսքը հիմնականում այսպես կոչված երիտեվրոպացիների մասին է. դրանք Բալթյան երկրներն են, Լեհաստանը: Եվս մեկ անգամ կրկնում եմ՝ մենք ցավում ենք դրա համար», - նշել է Պեսկովը: Նա ուշադրություն է հրավիրել այդ երկրների ղեկավարությունների հակասական դիրքորոշմումների վրա, քանի որ դրանք անհիմն կերպով խոսում են Մոսկվայի կողմից սպառնալիքի առկայության մասին, սակայն միեւնույն ժամանակ անում են ամեն բան, որպեսզի հնարավորինս շատ զինվորականներ ՆԱՏՕ-ի երկրներից, մասնավորապես՝ ԱՄՆ-ից, գտնվեն իրենց տարածքում:
Նրա խոսքով՝ «նման կերպ փակ շղթա է առաջանում»: «Բացի այդ, նրանք նաեւ երկխոսությունից են հրաժարվում: Մեր տեսակետից համաձայն՝ նման դիրքորոշումը անտրամաբանական է, ավելին ՝ կործանարար է ապագայի հեռանկարների տեսանկյունից», - ասել է Պեսկովը: Նա նշել է, որ «դա չի հանգեցնում մայրցամաքում անվտանգության ամրապնդմանը, այլ ընդհակառակը ՝ հանգեցնում է լարվածության աճի»:
«Ի վերջո, մենք ոչ թե զինված ուժեր ենք տեղակայում երրորդ երկրներում, այլ օտարերկրյա զինված ուժերն են տեղակայվում անմիջապես մեր սահմանների մոտ՝ ստիպելով մեզ միջոցներ ձեռնարկել պաշտպանվելու համար: Չէ՞ որ մենք ոչ թե թռչում ենք այլ մայրցամաքներ, այլ այլ մայրցամաքներից են թռչում մեր սահմանների մոտ: Ահա, թե ինչի մասին է խոսքը», - պարզաբանել է Կրեմլի խոսնակը: Միեւնույն ժամանակ, նա շեշտել է, որ Մոսկվան շարունակում է շահագրգռված լինել Ռուսաստան-ԵՄ գագաթնաժողով անցկացնելու եւ Բրյուսելի հետ հարաբերությունների կարգավորման հարցում:
Ավելի վաղ Գերմանիան ու Ֆրանսիան առաջարկել են ԵՄ մասնակցությամբ գագաթնաժողով անցկացնել Ռուսաստանի մասնակցությամբ: Այս նախաձեռնությունը չի ստացել ԵՄ անդամ երկրների մեծ մասի աջակցությունը: Բացի այդ, գագաթնաժողովի առաջին օրվա արդյունքներից հետո, ԵՄ առաջնորդները Եվրահանձնաժողովին առաջարկել են միջոցառումների տարբերակներ ներկայացնել՝ ներառյալ տնտեսական պատժամիջոցները, ի պատասխան «Ռուսաստանի չարամիտ, անօրինական եւ քայքայիչ գործողությունների»:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Գազամատակարարման վթարային դադարեցում Երևանի մի շարք հասցեներում
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը