«Մի բայց կա». Ագաթա Մուցենիեցեն՝ ամուսնալուծությունից հետո Պավել Պրիլուչնիի հետ նկարահանվելու մասին

2020թ․-ի մայիսին աղմկոտ մեղադրանքներից հետո «Փակ դպրոց» սերիալի աստղ Ագաթա Մուցենիեցեն դիմել է Պավել Պրիլուչնիից բաժանվելու համար։ Նույն տարվա աշնանը լրատվամիջոցներին հայտնի է դարձել, որ դերասանը սիրավեպ ունի Միրոսլավա Կարպովիչի հետ, իսկ Ագաթայի անձնական կյանքը մինչ այժմ գաղտնի է պահվում։

Անկախ աղմկոտ ամուսնալուծությունից՝ աստղերը հանուն երեխաների պահպանում են հարաբերությունները, եւ թվում է՝ կրկին պատրաստ են աշխատել միասին։ Ամեն դեպքում, Ագաթան հարցին՝ արդյոք կկարողանա նկարահանվել նախկին ամուսնու հետ, այսպես է պատասխանել․ «Գիտեք՝ ես առաջին հերթին պրոֆեսիոնալ եմ, այդ պատճառով հրապարակում երկու արտիստներ են, որոնք կատարում են իրենց դերերը, եւ կարեւոր չէ՝ ով ով է։ Բայց ես ամեն դեպքում կարծում եմ, որ բավական շատ արիստներ կան, ոչ միայն մենք երկուսով»։

Մուցենիեցեն նշել է, որ ցանկանում է ամբողջ կյանքի համար իրական սեր գտնել, ոչ թե ժամանակ ծախսել կարճատեւ հարաբերությունների վրա։