Ուզում են Թեղուտի բացհանքի արտադրողականությունն ավելացնել 15 մլն տոննայով
Թեղուտ համայնքում օգոստոսի 24-ին ժամը 13:00-ին նախատեսվում է անցկացնել Թեղուտի պղինձ-մոլիբդենային կոմբինատի հայտի վերաբերյալ հանրային քննարկումների երկրորդ փուլը: Հայտով նախատեսվում է բացհանքի 142.2 միլիոն տոննա արտադրողականությունը ավելացնել 15 միլիոն տոննայով, հաղորդում է «ԷկոԼուրը»:
Գործընթացը պետք է իրականացվի երեք փուլով. 2017թ-ին արտադրողականությունը կավելանա 8 միլիոն տոննայով, 2019-ին՝ կհասնի 12 միլիոն տոննայի , իսկ 2024-ին` 15 միլիոն տոննայի: Արտադրողականության մեծացման արդյունքում օպտիմալացված բացահանքը վերջնական դիրքում կունենա 1606 մետր առավելագույն երկարություն եւ 1016 մետր առավելագույն լայնություն վերեւում, իսկ օտարման տարածքը կկազմի 103,5 հեկտար:
Նախագծով նախատեսվում է կառուցել երկրորդ հոսքագիծը եւ երկրորդ պոչատարը: Այն իրենից ներկայացնելու է երկաթբետոնե ներպատված վաքեր եւ 1300մմ տրամագծով ներպատված մետաղե հորիզոնական խողովակներ՝ 2500մմ տրամագծով: Երկրորդ գծի կառուցումից հետո գոյություն ունեցող պոչատարը վերանորոգվելու է եւ ծառայելու որպես պահուստային: Պոչերը պետք է հավաքվեն գործող պոչամբարում:
Նախագծի հաջող իրականացման դեպքում Խառատաձոր գետի կիրճում գտնվող պոչամբարի 213.036 միլիոն խմ ծավալը կապահովի ֆաբրիկայի աշխատանքը մոտ 21 տարի: Մակաբացման ապարները նախատեսվում է տեղավորել բացահանքի հարավ-արեւմտյան մասում ընկած Դուքանաձոր գետի կիրճում:


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ