ԱՄՆ-ում ոստիկանությունը Մերիլին Մենսոնին ձերբակալման հրաման է արձակել
Ամերիկյան Նյու Հեմփշիր նահանգի ոստիկանությունը ռոք երաժիշտ Մերիլին Մենսոնին (իսկական անունը՝ Բրայան Հյու Ուորներ) ձերբակալման հրաման է արձակել 2019թ-ին Գիլֆորդ քաղաքում համերգի ընթացքում օպերատորի նկատմամբ հարձակման մեղադրանքով, հայտնում է The New York Times-ը։
Խոսքը միջադեպի մասին է, երբ ելույթի ընթացքում երգիչը ծեծի էր ենթարկել օպերատորին։ Տուժողի անունը հայտնի չէ։ ԱՄՆ իրավապահ մարմինները հայտնել են, որ Մենսոնը նահանգ չի վերադարձել՝ դատարանում առաջադրված մեղադրանքներին պատասխանելու համար։ Նյու Հեմփշիրում այդպիսի գործողությունների համար կարող է սպառնալ երկու միլիոն դոլարի չափով տուգանք կամ մինչեւ մեկ տարվա ազատազրկում։ Ոստիկանությունը նաեւ վստահեցրել է, որ ձերբակալման հրամանի արձակումը «սեռական բնույթի հանցագործությունների հետ առնչություն չունի»։
Երաժիշտն ու նրա փաստաբանները տեղեկացված են ձերբակալման հրամանի արձակման մասին, սակայն առայժմ ոչ մի կերպ չեն արձագանքել մեղադրանքներին։
Ավելի վաղ Մերիլին Մենսոնի դեմ հանդես է եկել ավելի քան տաս կին՝ նրան մեղադրելով սեռական եւ հոգեբանական բռնության համար։ Հայցվորների շարքում է եղել դերասանուհի Էվան Ռեյչել Վուդը, որը հայտարարել է, որ երգիչը երկար տարիներ «սարսափելի ծաղրել» է իրեն։ Արտիստն իր հասցեին հնչած մեղաղրանքներն «իրականության աղճատում» է անվանել։
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Թրամփը վախենում էր Վենեսուելայում ռազմական գործողության ձախողումից. NYT
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
Վարչապետ Նիկոլ Փաշինյանը պատասխանում է լրագրողների հարցերին
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ