Ռուսաստանը ցանկանում է ավելի սերտ համագործակցել թյուրքալեզու երկրների հետ. Լավրով

Ռուսաստանի արտաքին գործերի նախարար Սերգեյ Լավրովը «Նոր գիտելիքներ» ֆորումի ժամանակ հայտարարել է Ռուսաստանի պատրաստակամության մասին՝ քննարկելու Թյուրքալեզու պետությունների համագործակցության խորհրդին անդամակցելու հնարավորությունը:

Լավրովը հիշեցրել է, որ Թյուրքական խորհուրդը միջպետական կազմակերպություն է: Դրան անդամակցելու համար անհրաժեշտ է, որ գերիշխող բնակչությունը թյուրքական լինի: Նախարարը շեշտել է, որ ինքը խնդիրներ չի տեսնում, որպեսզի, չնայած դրան, Ռուսաստանը միանա կառույցին:

Նրա խոսքով՝ կազմակերպությունը պատրաստ է ընդունել պետությունների, որտեղ կա թյուրքախոս բնակչություն, բայց չի գերակշռում: ՌԴ ԱԳՆ ղեկավարը շեշտել է, որ երկրում թյուրքալեզու ժողովուրդները մեկուսացված չեն. հաղորդում է «ՌԻԱ Նովոստին»:

Ներկայումս խորհուրդն ընդգրկում է յոթ թյուրքական պետություններից հինգը՝ Ադրբեջանը, Ղազախստանը, Թուրքիան, Ղրղզստանը և Ուզբեկստանը: Կազմակերպության նպատակն է զարգացնել կապերը թյուրքական երկրների միջև կամավորության, հարգանքի և համաձայնության հիման վրա: