Ջեյ Լոյին վերադարձնելու փորձ․ համացանցում քննարկում են Ալեքս Ռոդրիգեսի եւ դուստրերի նոր լուսանկարը

Այսօր ուղիղ մեկ ամիս է, ինչ բաժանվել է Հոլիվուդի ամենավառ զույգերից մեկը։ Սակայն այն պահից, երբ Ջենիֆեր Լոպեսն ու Ալեքս Ռոդրիգեսը հրապարակային հայտարարեցին, որ նրանք ավելի շատ ընկերներ են եւ միմյանց «ամենայն բարիք են մազթում», քննարկումները չեն դադարում եւ բոլորը ցանկանում են իմանալ, թե ով է եղել բաժանման նախաձեռնողը։ Մեծամասնությունը, այնուամենայնիվ, հակված է այն տեսակետին, որ «տուժած» կողմը նախկին բեյսբոլիստն է, եւ նա փորձում է ամեն ինչ անել, որպեսզի վերադարձնի սիրելիին:

Միաժամանակ համացանցում քննարկում են Ջեյ Լոյի եւ Բեն Աֆլեքի «վերամիավորման» նոր մանրամասները: Հիշեցնենք, որ անցած շաբաթ ամբողջ աշխարհը քննարկում էր Մոնտանայում հանգստի ժամանակ նախկին սիրահարների բացառիկ կադրերը։