«Երբ և որտեղ նրանք ցանկանան». Մադուրոն հայտարարել է, որ պատրաստ է հանդիպել ընդդիմության ներկայացուցիչների, այդ թվում՝ նրանց առաջնորդ Գուաիդոյի հետ
Վենեսուելայի նախագահ Նիկոլաս Մադուրոն նախօրեին Կարակասում ելույթի ժամանակ հայտարարել է, որ պատրաստ է հանդիպել ընդդիմադիր շրջանակների ներկայացուցիչների, այդ թվում՝ նրանց առաջնորդ Խուան Գուաիդոյի հետ, փոխանցում է ՏԱՍՍ-ը։
«Այժմ Գուաիդոն ցանկանում է զրուցել ինձ հետ, ես համաձայն եմ. ԵՄ-ի, Նորվեգիայի կառավարության և միջազգային կոնտակտային խմբի օգնությամբ ես պատրաստ եմ հանդիպել ընդդիմության բոլոր ներկայացուցիչների հետ, երբ նրանք ցանկանան և որտեղ ցանկանան», - հայտարարել է Մադուրոն, որի ելույթը հեռարձակվել է պետական հեռուստատեսությամբ:
Ընդ որում, Մադուրոն հայտարարել է՝ «Վաշինգտոնն է ընդդիմության առաջնորդին հրահանգել բանակցություններ սկսել իր հետ»։
Նշենք, որ նախօրեին Գուաիդոն առաջարկել էր միջազգային հանրության մասնակցությամբ բանակցություններ սկսել երկրի քաղաքական ուժերի միջև՝ ճգնաժամային իրավիճակից ելք գտնելու համար։
Հիշեցնենք, որ Վենեսուելայում իրադրությունը կտրուկ սրվել էր 2019 թվականին՝ Նիկոլաս Մադուրոյի երդմնակալության արարողությունից հետո երկրում լայնածավալ բողոքի ակցիաներից հետո։ Ընդդիմության վերահսկողության տակ գտնվող Ազգային ժողովի ղեկավար Խուան Գուաիդոն իրեն պետության ժամանակավոր ղեկավար էր հռչակել, այնուհետև ԱՄՆ-ի գլխավորությամբ մի շարք արևմտյան երկրներ հայտարարել էին նրա իշխանությունը ճանաչելու մասին:
Ռուսաստանը, Չինաստանը, Թուրքիան և մի շարք այլ երկրներ, իրենց հերթին, աջակցել էին Մադուրոյին` որպես երկրի օրինական նախագահի:
94 տարեկանում մահացել է սպարապետ Վազգեն Սարգսյանի հայրը
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Աշխատանքի հնարավորություն՝ ՊԵԿ հեռախոսազանգերի կենտրոնում
Թրամփը վախենում էր Վենեսուելայում ռազմական գործողության ձախողումից. NYT
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Վարչապետ Նիկոլ Փաշինյանը պատասխանում է լրագրողների հարցերին
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ