Երուսաղեմի Տաճարի լեռան վրա իրավիճակը նորմալացել է
Երուսաղեմի Հին քաղաքի Տաճարի լեռան վրա իրավիճակը նորմալացել է առավոտյան բախումներից հետո, որի ժամանակ իսրայելցի ինը ոստիկաններ էին տուժել: Այս մասին ՏԱՍՍ-ին հայտնել է Իսրայելի ոստիկանության պաշտոնական ներկայացուցիչ Մայքլ Զինգերմանը:
«Հիմա իրավիճակը նորմալացել է այն բանից հետո, երբ առավոտյան ինչ-որ պահի արաբ երիտասարդները սկսեցին քարեր նետել Արեւմտյան պատի հարեւանությամբ գտնվող Հին քաղաքի Մուղրաբի դարպասների վրա: Ոստիկանության գլխավոր տեսուչի կողմից որոշում կայացվեց ոստիկանության ուժեր տանել Տաճարի լեռ եւ այնտեղ կարգուկանոն հաստատել: Դա արվեց, որի համար օգտագործվեցին հատուկ սարքավորումներ Այս իրադարձությունների հետեւանքով ինը ոստիկան է վիրավորվել, նրանցից մեկը հոսպիտալացվել է»,- ասել է Զինգերմանը: «Չնայած հիմա, այս պահին տեղում կարգուկանոն է, իրավիճակը նորմալ է, գլխավոր տեսուչը որոշում է կայացրել ժամանակավորապես դադարեցնել հրեաների այցելությունը Տաճարի լեռ»,- հավելել է նա:
«Ոստիկանները մոտակայքում են, նրանք շարունակում են հսկել տարածքը եւ հետեւել իրավիճակին», - շարունակել է Զինգերմանը՝ նշելով, որ «Հին քաղաքում աշխատում է Երուսաղեմի ոստիկանությունը, որեւէ լրացուցիչ ուժ չկա»: «Տեղում [Տաճարի լեռան մոտ] հարյուրավոր ոստիկաններ կան»,- հավելել է նա:
Ըստ Կարմիր մահիկի պաղեստինյան ընկերության, առնվազն 215 պաղեստինցի է վիրավորվել երկուշաբթի օրը Արեւելյան Երուսաղեմում իսրայելական ոստիկանության հետ բախումների հետեւանքով, նրանցից 154-ը հոսպիտալացվել են: Հին քաղաքում իսրայելական ոստիկանության եւ պաղեստինցիների միջեւ բախումները շարունակվում են անցած շաբաթվա վերջից, դրանցում մի քանի օրվա ընթացքում հարյուրավոր պաղեստինցիներ տարբեր աստիճանի վնասվածքներ են ստացել:
94 տարեկանում մահացել է սպարապետ Վազգեն Սարգսյանի հայրը
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Աշխատանքի հնարավորություն՝ ՊԵԿ հեռախոսազանգերի կենտրոնում
Թրամփը վախենում էր Վենեսուելայում ռազմական գործողության ձախողումից. NYT
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
Վարչապետ Նիկոլ Փաշինյանը պատասխանում է լրագրողների հարցերին
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ
2025-ի դեկտեմբերին Հայաստան է այցելել 139 հազար 933 զբոսաշրջիկ