Լենոքս Լյուիս. Շատ հնարավոր է, որ Թայսոնի հետ ռևանշ մենամարտը տեղի կունենա մոտ ապագայում

Պրոֆեսիոնալ բռնցքամարտի գերծանր քաշային կարգում աշխարհի նախկին բացարձակ չեմպիոն Լենոքս Լյուիսը հաստատել է, որ Մայք Թայսոնի հետ բանակցություններ են ընթանում ռևանշ մենամարտ անցկացնելու վերաբերյալ:

«Մենամարտը դեռ պատրաստ չէ, մենք հաղորդակցվում ենք Մայքի հետ: Շատ հնարավոր է, որ մոտ ապագայում այն տեղի կունենա»,- 55-ամյա բրիտանացու խոսքը մեջբերում է FOX Sports-ը:

Հիշեցնենք, որ Լենոքս Լյուիսը նախորդ մենամարտն անցկացրել է 2003 թվականին: Նա ծանր քաշային կարգում աշխարհի նախկին բացարձակ չեմպիոն, 54-ամյա ամերիկացի Մայք Թայսոնի հետ մենամարտել է 2002-ին և նոկաուտով հաղթել 8-րդ ռաունդում: