Մալթան պատրաստ է վճարել իր յուրաքանչյուր զբոսաշրջիկին մինչեւ 200 եվրո

Ձգտելով վերականգնել իր զբոսաշրջային ոլորտն ու առաջ անցնել մրցակիցներին՝ Մալթան պատրաստվում է օտարերկրյա հյուրերից յուրաքանչյուրին առաջարկել մինչեւ 200 եվրո, եթե նրանք մնան միջերկրածովյան կղզիում առնվազն երեք օր այս ամռան ընթացքում, հաղորդում է Reuters-ը:

Մալթայի զբոսաշրջության նախարար Կլեյթոն Բարտոլոն հայտարարել է այս սխեմայի մասին ուրբաթ՝ նշելով, որ, հաշվի առնելով, որ կորոնավիրուսային սահմանափակումները, որոնք ակնկալվում է, որ կչեղարկվեն հունիսի 1-ին, զբոսաշրջիկները, որոնք ամրագրում են տոմսերն ամռան ամիսներին անմիջապես տեղական հյուրանոցներից, կստանան գումար:

Զբոսաշրջությունը կազմում է Մալթայի տնտեսության ավելի քան 27 տոկոսը:

Երկիրը ներգրավել է ավելի քան 2,7 միլիոն զբոսաշրջիկ 2019 թվականին, սակայն թվերն անկել են ավելի քան 80 տոկոսով 2020 թվականին կորոնավիրուսի հայտնաբերման ժամանակաշրջանից ի վեր:

Բարտոլոն ասել է, որ 5-աստղանի հյուրանոցներ ամրագրող զբոսաշրջիկներն ընդհանուր առմամբ կստանան 200 եվրո, 4-աստղանիում՝ 150 եվրո, իսկ 3-աստղանիում սենյակ ամրագրողները՝ 100 եվրո:

Մալթայում գրանցվել է կորոնավիրուսի դեմ պատվաստումների ամենաբարձր մակարդակը ԵՄ-ում. երկրում մեծահասակների 42 տոկոսը ստացել է պատվաստանյութի առնվազն մեկ դեղաչափը: