Ռումինիայի առողջապահության նախարարը 360 դոլարով տուգանվել է դիմակ չկրելու համար
Ռումինիայի առողջապահության նախարար Վլադ Վոյկուլեսկուն պաշտպանական դիմակ չկրելու համար տուգանվել է 360 դոլարով, հաղորդում է տեղական Digi 24-ը։
Հեռուստաալիքի տվյալներով՝ մարտի 29-ին լրագրողները լուսանկարել են՝ ինչպես է Վոյկուլեսկուն խորհրդարանի նախասրահում առանց դիմակի խոսում մեկ այլ տղամարդու հետ։
Ավելի ուշ երկրի առողջապահության նախարարը պարզաբանել է, որ դիմակը հանել էր ջուր խմելու նպատակով, սակայն ընդունել է իր մեղքը։
«Անկասկած, ես սխալ էի, և ամբողջ քննադատությունն արդարացված է։ Կանոնները պետք է պահպանվեն»,-ասել է նա։
Գերատեսչության ղեկավարը երկրի կառավարությունում երկրորդ պաշտոնյան է, որին տուգանել են հակահամաճարակային կանոնները խախտելու համար: Մարտի վերջին հասարակական վայրում առանց դիմակի շրջելու համար 120 դոլարով տուգանվել էր աշխատանքի նախարարը։
Նշվում է՝ երկու պաշտոնյաներն են վճարել են տուգանքները։
Երկրում գործում է կարանտինային խիստ ռեժիմ։ Բոլոր պետական և մասնավոր ընկերությունները պարտավոր են անցնել աշխատանքի հեռավար ռեժիմի։ Արգելվում է տոնական միջոցառումների անցկացումը։ Բացի այդ, արգելված է տոնավաճառների, ցուցահանդեսների աշխատանքը։ Սահմանափակումները գործելու են մինչև ապրիլի 13-ը։
Աղբյուրը՝ tert.am
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
ՀՅԴ-ն որոշում ունի․ որ ուժի հետ դաշինք կկազմի
Թրամփը վախենում էր Վենեսուելայում ռազմական գործողության ձախողումից. NYT
Ով ինչպես է սիրում Հայաստանը
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ