Ճապոնիայում Օլիմպիական ջահի կրակը փոխանցումավազքի ընթացքում 2-րդ անգամ է մարել
Ճապոնիայում փոխանցումավազքի երկրորդ օրը ևս մեկ անգամ մարել է Օլիմպիական ջահի կրակը:
Այս մասին հայտնում է «ՌԻԱ Նովոստի»-ն՝ հղում կատարելով տեղական լրատվամիջոցներին:
Նշվում է՝ փոխանցումավազքի մասնակիցներից մեկը, վերցնելով ջահը, չի նկատել, որ կրակը մարել է: Նա գրեթե ամբողջ տարածությունը վազել է՝ հանգած կրակը ձեռքին: Խաղերի կազմակերպիչներն այս առնչությամբ պարզաբանել են, որ եղանակը շատ քամոտ է եղել, ուստի ուղեկցող թիմը միանգամից ի վիճակի չի եղել պահեստային ջահը վառել:
Հիշեցնենք՝ մանատիպ միջադեպ է տեղի ունեցել նաև փոխանցումավազքի առաջին օրը: Այդ ժամանակ ևս կրակը մարել էր մասնակիցներից մեկի ձեռքին:
Ինչպես ավելի վաղ տեղեկացրել էր Tert.am-ը, մարտի 20-ին Տոկիոյի Օլիմպիական խաղերի կազմկոմիտեն կայացրել էր վերջնական որոշում մրցույթն անցկացնել առանց օտարերկրացի երկրպագուների:
Նման որոշման պատճառը կորոնավիրուսային համավարակն է: Ճապոնիայում վախենում են, որ խաղերին մասնակցելով՝ օտարերկրացիները կարող են վիրուսի նոր շտամներ երկիր բերել:
2020 թվականին նախատեսված, բայց համավարակի պատճառով հետաձգված Խաղերը կանցկացվեն 2021 թվականի հուլիսի 23-ից օգոստոսի 8-ին՝ Ճապոնիայի մայրաքաղաք Տոկիոյում:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Հանրակրթական ուսումնական հաստատությունների ավագ դասարաններում ներդրվել է «Ճանապարհային երթևեկության ...
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
Ընթանում է Գարեգին Բ-ի և 6 եպիսկոպոսի գործով դատական նիստը
Վաղարշապատի համայնքային ոստիկանները ձերբակալել են 1 տարի առաջ ծանր մարմնական վնասվածք պատճառած անձին
Մանչեսթեր Սիթին սեփական հարկի տակ հաղթեց Նորվիչին
Հակակոռուպցիոն դատարանում շարունակվել է «Մարտի 1»-ի գործով դատավարությունը