Գերմանացի պաշտոնյան հրաժարական է տվել իշխող կուսակցությունում բոլոր պաշտոններից դիմակների շուրջ սկանդալի պատճառով

Ազդեցիկ քաղաքական գործիչ Ալֆրեդ Սաութերը, որը զբաղեցնում է կարեւոր պաշտոններ ԳԴՀ Բավարիա դաշնային հողում իշխող Քրիստոնեա-սոցիալական միության բաժիններում, կիրակի հրաժարական է տվել կուսակցությունում իր զբաղեցրած բոլոր պաշտոններից, հաղորդում է Reuters-ը՝ հղում անելով տեղական ԶԼՄ-ներին:

Նշվում է, որ քաղաքական գործիչը հայտնվել է սկանդալի կիզակետում դիմակների արտադրության ոլորտում փողերի լվացման պատճատով, ինչն արժեցել է կանցլեր Անգելա Մերկելի պահպանողական դաշինքին ձայների որոշակի քանակություն՝ համաձայն հասարակական կարծիքի հարցումների:

Բավարիայի խորհրդարանի անդամ Ալֆրեդ Սաութերի նկատմամբ ներկայում քննություն է ընթանում մեղադրանքների կապակցությամբ, որ նա կաշառք է վերցրել պետական օղակներում շփումներ հաստատելու համար կորոնավիրուսի համավարակի ժամանակ դիմանկերի գնելու նպատակով: Նա հերքում է բոլոր մեղադրանքները:

Սաութերը, որի հրաժարականի որոշումը հրապարակել է Augsburger Allgemeine թերթը, առնվազն երրորդ պահպանողական քաղաքական գործիչն է, որը հրաժարական է տալիս դիմակների գնման ժամանակ փողերի լվացման առնչությամբ սկանդալի պատճառով:

Սաութերը քառորդ դար աշխատել է կուսակցությունում Բավարիայի արդարադատության նախարարի պաշտոնում: Կիրակի օրվա դրությամբ՝ նա դեռեւս համարվում էր Բավարիայի խորհրդարանի անդամ, եւ հայտնի չէ՝ մտադի՞ր է նա արդյոք հեռանալ նաեւ օրենսդիր մարմնից: