Ալսուն ամուսնու հետ հազվագյուտ տնային լուսանկար է ցուցադրել

37-ամյա ռուս երգչուհի Ալսուն հազվագյուտ տնային լուսանկարներ է ցուցադրել ամուսնու՝ գործարար Յան Աբրամովի հետ։ Մի քանի օր առաջ զույգը նշել է հարսանիքի 15-ամյակը։ Ալսուն հազվադեպ է խոսում ընտանեկան կյանքի մանրամասների մասին, համարելով, որ անձնական կյանքը պետք է մնա անձնական: Այդուհանդերձ Ալսուն հուզիչ լուսանկար է հրապարակել իր միկրոբլոգում, որտեղ նա ամուսնու հետ պատկերված է ռոյալի մոտ:

 «Օրերս մենք նշեցինք մեր ամուսնության 15-ամյակը։ Ես շատ բան չեմ գրելու, ինձ թվում է, դա շատ անձնական է... Կցանկանայի այդպես նվագել, ստեղծել, երազել մինչեւ պլատինե հարսանիք: Բոլորին երջանկության»,- կադրը մեկնաբանել է երգչուհին։