նիկոլի վերջին հույսը կորոնավիրուսն է. նա պատրաստվում է փակել երկիրը

նիկոլն ամեն կերպ ցանկանում է պահպանել վարչապետի աթոռը: Հիմա չանդրադառնանք հարցին, թե ինչու: Կա երկու վարկած, ընդ որում, երկուսն էլ կարող են համապատասխանել իրականությանը: Առաջին վարկածի համաձայն, պարզապես նա աշխատում է ինքնապահպանման բնազդով, իսկ երկրորդ վարկածի համաձայն, նա դեռ անելիք ունի: Մասնավորապես, Ադրբեջանին հանձնել Սյունիքի, այսպես կոչված, միջանցքը, ապահովի ադրբեջանցիների մուտքը Սյունիք, Տավուշ, Արարատ: Իհարկե, երկու վարկածներն էլ մեկը մյուսին չեն հերքում:

Հիմա այն  մասին, թե ինչպես է ցանկանում պահպանել իշխանությունը: Նրա հույսը կորոնավիրուսն է: Դեռ օրեր առաջ Առողջապահության տխրահռչակ նախարարն ակնարկեց, թե հանրահավաքները նպաստում են կորոնավիրուսի տարածմանը, իսկ հետո սկսեցին հրապարակվել թվեր, որտոնք վկայում են, որ կորոնավիրուսը կրկին ակտիվանում է: Բացի այդ, նույն առողջապահության նախարարությունից հայտնեցին, թե երրորդ ալիքն արդեն իրականություն է:

Իսկ երեկ, պոլիկլինիկա բոլորովին այլ հարցով դիմած եւ կորոնավիրուսային թեսթ չհանձնած ՀՀ քաղաքացուն զանգում եւ ասում են՝ ձեր թեսթը դրական է: Սա եւս մեկ անգամ վկայում է, թե նիկոլն ինչ կեղտոտ խաղի մեջ է ներքաշում երկիրը:

Համառ լուրեր են շրջանառվում, որ մարտի 15-ից պատրաստվում են փակել երկիրը: Արգելել թռիչքները, արգելել հանրահավաքները, արգելել դասերը դպրոցներում եւ համալսարաններում, արգելել տրանսպորտի, այդ թվում եւ մետրոպոլիտենի աշխատանքը: 

«Սա մեր փրկության միակ տարբերակն է»,- ըստ օդում կախված լուրերի նման պնդում է արել նիկոլը իր յուրայինների հետ հանդիպման ժամանակ:

Վահրամ Գեւորգյան

Top-News.am