Ո՞վ է հանձնարարականներ տալիս նիկոլի իրավական գծով խորհրդականին
Լավրենտի Բերիան հաստատ կնեղվի, կնեղանա, որ նիկոլի իրավական գծով խորհրդական Աննա Վարդապետյանին համեմատենք իր հետ: Հասկանում ենք Բերիայի ապրումները, բայց ստիպված ենք:
Իհարկե, Աննա Վարդապետյանն իր մասշտաբներով հեռու է Լավրենտի Բերիայից, բայց այն, որ նա ձգտում է գործել նրա նման, նրա գործելաոճով՝ ակնհայտ է: Այս փոքրիկ, արտաքինից անմեղ աղջիկը սորոսական ամենակարկառուն ներկայացուցիչներից է, եւ ինչպես հայտնի ֆիլմում է ասվում՝ անողորմ է վարչախմբի հակառակորդների նկատմամբ:
Երեկ հրապարակվեց սկանդալային տեսանյութ, որում շատ հստակ երեւում է, թե ինչպես է այս, արտաքինից փխրուն, անմեղ արարածը միջամտում քրեական գործի նախաքննությանը: Ավելի պարզ արտահայտվենք. Աննա Վարդապետյանն ուղիղ հրահանգավորում է, հանձնարարականներ է տալիս վարույթ իրականացնողներին։
Ի դեպ, երբ Հայաստանում նիկոլն ուզում էր անցումային արդարադատություն իրականացնել: Ազգային ժողովում քննարկում էր կազմակերպվել, որտեղ հիմնական զեկուցողներից մեկը հենց այս փոքրամարմին աղջնակն էր: Արտաքինից նուրբ այս աղջնակը չէր թաքցնում իր ատելությունը բոլոր նրանց հանդեպ, ովքեր ընդդիմադիր են նիկոլի վարչախմբին: Նա չէր թաքցնում իր կապը Լարիսա Մինասյանի հետ եւ ելույթից առաջ, ելույթից հետո ուշիմ աշակերտի նման լսում էր սորոսականների հայաստանյան առաջնորդի ցուցումները:
Նա այն ժամանակ զբաղեցնում էր Արդարադատության փոխնախարարի պաշտոնը: Հիմա հասկացա՞ք, թե նիկոլի ինչին էր պետք անցումային արդարադատություն կոչվածը: նիկոլն ու իր ոհմակը Հայաստանը ցանկանում են վերածել մի տարածքի, որտեղ բնակիչները զբաղված են լինելու թուրքական բաղնիքների սպասարկման հարցերով: Սա լավագույն դեպքում:
Չենք զարմանում հրապարակված տեսանյութից: Իսկապես, չենք զարմանում: Սա է նիկոլի Հայաստանի իրական դեմքը: Սա է այն Հայաստանը, երբ նիկոլին զեկուցում էին, թե ում տուն են խուզարկության գնացել, որտեղ եւ ով է դուռը բացել, ինչ է հագին եղել, դեմքի ինչ արտահայտություն է ունեցել:
Ու ամենակարեւորը, մենք մեկ անգամ եւս համոզվեցինք, թե ում ձեռքին է, այսպես կոչված, արդարադատությունը Հայաստանում: Նայեք լուսանկարին ու փորձեք հասկանալ, գիտակցել, թե ով է այսօր Հայաստանում որոշում, թե ում ձերբակալեն, իսկ ում կալանավորեն, ում դեմ քրգործ հարուցեն եւ ում տունը խուզարկեն:
Պարզ է չէ, որ սա եզակի հանձնարարական չէ: Պարզ է չէ, որ սա համատարած բնույթ է կրում: Եւ ինչպես նիկոլը, այնպես էլ այս սորոսական աղջնակը հայկական նյուրնբերգյան դատավարությունում պատասխան են տալու իրենց հանցավոր գործողությունների եւ քայլերի համար:
Top-News.am
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Փաշիկ Ալավերդյան․ Սա ամենամեծ հարվածն է մեր պետությանը, հայկական ծանրամարտին
Կիևի պահանջները նման են անհատակ փոսի․ Սիյարտո