Նիկոլ Փաշինյանը հիստերիա է բարձրացրել կառավարության շենքում, բղավել, որ միայն արյամբ է հնարավոր կապել բոլորին. Գաբրիելյանով

Ռուս լրագրող, ««Իզվեստիա» թերթի խմբագրություն» ԲԲԸ տնօրենների խորհրդի նախագահ Արամ Գաբրիելյանովը տելեգրամի ալիքում հայտնել է, որ Փաշինյանի շրջապատի իր աղբյուրները մանրամասներ են հայտնել փետրվարի 23-ին կառավարության շենքի դիմաց ոստիկանության կազմակերպած դաժան «մարտերի» կազմակերպիչների մասին։

«Նիկոլ Փաշինյանի շրջապատից իմ աղբյուրները մանրամասներ են հայտնում ոստիկանական գործողություններից, որոնք կազմակերպվեցին կառավարության մոտ փետրվարի 23-ին: Տելեգրամյան իր ալիքում գրում է Արամ Գաբրիելյանովը:

«Այն բանից հետո, երբ ընդդիմության առաջնորդներից Իշխան Սաղաթելյանը հայտարարեց կառավարության մասնաշենքի արգելափակման մասին, Նիկոլը հիստերիա է բարձրացրել՝ հայտարարելով․ «Սա իմ երկիրն է, ես եմ այստեղ ամեն ինչ որոշում, այլ ոչ թե մի խումբ երևանցի դուրսպրծուկներ»:

Դրանից հետո նա իր մոտ է կանչել Ոստիկանության 5 ղեկավարների ու վերջնագրով պահանջել դաժան կերպով պատժել Սաղաթելյանին ու ցուցարարներին. «Թե դուք ցանկանում եք, որ ես պատմեմ, թե ինչպես եք հրաժարվել կռվել Արցախում»,-ասել է նա:

Ոստիկանության ղեկավարությունը 5 հոգուց կազմված շտաբ է ստեղծել: Բոլոր 5-ը, վախենալով խայտառակվելուց, երդվել են հավատարիմ լինել Փաշինյանին ու խոստացել են ստիպել հայաստանյան ոստիկանությանը կանգնել վարչապետի կողքը:

Նիկոլը խորհրդակցությունն ավարտել է բղավելով՝ միայն արյամբ է հնարավոր կապել բոլորին:

Ցուցարարների դեմ պայքարի շտաբում 5 մարդ կա, ովքեր ոստիկանության բարձրաստիճան պաշտոնյաներ են:

Ոստիկանապետ Վահե Ղազարյան

Ոստիկանապետի առաջին տեղակալ Արամ Հովհաննիսյան

Ոստիկանապետի տեղակալ Վարդան Մովսիսյան

Երևանի ոստիկանապետ Սևան Քոչարյան

Ներքին զորքերի հրամանատար Հայկ Բաբայան։