Գերմանիայում կստուգեն վերմախտի զինվորների մասնակցությունը խորհրդային զինծառայողների սպանության գործում. ԶԼՄ-ներ

Լյուդվիգսբուրգում տեղակայված Նացիոնալ-սոցիալիզմի հանցագործությունները բացահայտելու գծով կենտրոնը ստուգում է վերմախտի զինվորների մասնակցությունը խորհրդային զինծառայողների սպանության գործում. կասկածվում է յոթ մարդ: Այդ մասին կիրակի հայտնել է Welt am Sonntag թերթը:

Նախկին գերմանացի զինվորները պահպանել են ճամբարները, որոնցում անմարդկային պայմաններում պահվել են Կարմիր բանակի մարտիկները: Պարբերականը հիշեցնում է, որ գերեվարված շուրջ 5.7 միլիոն խորհրդային զինծառայողներից 3.3 միլիոնը մահացել է նացիստական ճամբարներում, հաղորդում է ՏԱՍՍ-ը:

«Մենք ունենք տվյալներ շուրջ 25 ճամբարների եւ այդտեղ ծառայող անվտանգության աշխատակիցների մասին տեղեկատվությամբ»,-պատմել է կենտրոնի ղեկավար Թոմաս Վիլը: «Մենք կարողացել ենք պարզել շուրջ 2 հազար մարդու ինքնությունը, որոնք, հնարավոր է, ողջ են ներկայում»,-նշել է նա:

Welt am Sonntag-ը գրում է, որ զինվորների նկատմամբ այդքան ուշ հետաքննությունը պայմանավորված է իրավական իրավիճակի փոփոխությամբ: