Գերմանիան կոչ է արել Եվրամիությանը խստացնել Թուրքիայի նկատմամբ տնտեսական ճնշումը
Գերմանիայի կառավարությունը պահանջել է Եվրամիությունից խստացնել Թուրքիայի նկատմամբ տնտեսական ճնշումը, հայտնում է գերմանական Deutsche Welle հեռուստառադիոընկերության թուրքական ծառայությունը:
Գերմանիան իր այս պահանջը հիմնավորել է Թուրքիայում օրենքի գերակայության և ժողովրդավարական նորմերի պահպանման անհրաժեշտությամբ և շեշտել, որ հատկապես կարևոր է հստակեցնել Թուրքիային՝ որպես ԵՄ անդամակցության հավակնող երկրի տրամադրվող ֆինանսական օգնությունն ու ԵՄ մաքսային միության և Թուրքիայի միջև եղած պայմանավորվածությունների սպասվելիք թարմացումները:
Գերմանիան հիշեցրել է, որ իրենց կայացրած որոշումները նախևառաջ պետք է օգուտ բերեն Թուրքիայի քաղաքացիական հասարակությանը:
Ինչպես ավելի վաղ հայտնել է Tert.am-ը՝ Գերմանիայի խորհրդարանում քննարկվել է Թուրքիայի դեմ տնտեսական պատժամիջոցներ սահմանելու հարցը:
Գերմանիայի Քրիստոնեա-դեմոկրատական միության պատգամավորներից Մայքլ Բրենդը հայտարարել է, որ եթե Թուրքիան շարունակի իր հակաժողովրդավարական քայլերը, ճիշտ ժամանակն է կիրառել համապատասխան պատժամիջոցներ և հետ պահել գերմանական ընկերություններին Թուրքիայում ներդրումներ անելուց:
Հիշեցնենք, որ օրեր առաջ Գերմանիայի Քրիստոնեա-դեմոկրատական միության պատգամավոր Յուլյա Քլյոքները հանդես է եկել Թուրքիային որպես Եվրամիության անդամակցությանը հավակնող երկիր տրամադրվող դրամական օգնության դադարեցման կոչով:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...