Չավի. Բոլորն իմ մեջ տեսնում են «Բարսելոնայի» մարզիչի

Քաթարի «Ալ-Սադ» ակումբի գլխավոր մարզիչ Չավի Էրնանդեսը խոսել է կատալոնական «Բարսելոնա» վերադառնալուն ցանկության մասին։

«Հիմա ես «Ալ-Սադի» մարզիչն եմ և իմ գործերը լավ են այստեղ։ Ես մեծ ակումբ եմ մարզում Քաթարում, Ասիայում։ Դա երկրի լավագույն թիմն է։ Տեսնենք, թե ինչ կլինի ապագայում։ Բոլորն իմ մեջ տեսնում են «Բարսելոնայի» մարզիչի։ Ես շատ եմ հարգում այդ ակումբն ու Ռոնալդ Կումանին։ Չեմ թաքցնի իրականությունը, կցանկանայի լինել «Բարսելոնայի» գլխավոր մարզիչը։ Ես դա ասել եմ բազմիցս։ Սակայն ես միշտ կհարգեմ գլխավոր մարզիչին ու ակումբը։ Իհարկե, լավագույնն եմ մաղթում նրանց։ «Բարսելոնային» երկրպագում եմ այնքան ժամանակ, որքան հիշում եմ ինձ։ Շուտով նախագահի ընտրությունն է։ Եկեք տեսնենք, թե որ թեկնածուն կհաղթի»,- իսպանացի լեգենդար կիսապաշտպանի խոսքը մեջբերում է ՖԻՖԱ-ի մամուլի ծառայությունը։

Հիշեցնենք, որ «Բարսելոնայի» նախագահի մի քանի թեկնածուներ մտադիր են Չավիին առաջարկել գլխավորել կատալոնական ակումբը: 41-ամյա մարզիչը նախկինում մերժել է «Բարսելոնային»՝ նշելով, որ դեռ պատրաստ չէ գլխավորել ակումբը:

Չավին «Բարսելոնայում» խաղացել է 17 տարի և նվաճել 25 տիտղոս։