Australian Open․ Սերենան հաղթեց աշխարհի երկրորդ ռակետին և դուրս եկավ կիսաեզրափակիչ

Ամերիկուհի Սերենա Ուիլյամսը «Մեծ սաղավարտի» մրցաշրջանի առաջին մրցաշարի՝ Australian Open-ի քառորդ եզրափակչում հաղթեց երկրորդ լավագույն ռակետ ռումինուհի Սիմոնա Հալեպին:

Հանդիպումն ավարտվեց 6: 3, 6: 3 հաշվով ՝ հօգուտ 39-ամյա ամերիկացու: Կանանց թենիսի ասոցիացիայի վարկանիշում Ուիլյամսը զբաղեցնում է 11-րդ տեղը, երկրորդ տեղում 29-ամյա Հալեպն է: Կիսաեզրափակչում Ուիլյամսը կխաղա աշխարհի երրորդ ռակետ ճապոնուհի Նաոմի Օսակայի հետ:

Ուիլյամսը հաղթել է «Մեծ սաղավարտի» 23 մրցաշարերում ՝ յոթը Australian Open- ում, երեքը ՝ «Ռոլան Գարոսում», յոթը ՝ «Ուիմբլդոնում», և վեցը ՝ «US Open»-ում: