Ջասթին Թիմբերլեյքին մեղադրել են Բրիթնի Սփիրսին հանուն իր շահերի «օգտագործելու» համար

Երչիչ Ջասթին Թիմբերլեյքը հեյթերների կողմից հարձակումների օբյեկտ է դարձել։ Պատճառը գրեթե 20 տարի առաջ երգչուհի Բրիթնի Սփիրսից բաժանումն է։ Արտիստի երկրպագուների համար առիթ է դարձել «Մեղադրելով Բրիթնի Սփիրսին» (Framing Britney Spears) վավերագրական ժապավենի թողարկումը նրա կարիերայի ու անձնական տարաձայնությունների մասին, հայտնում է Insider-ը։

Մասնավորապես ժապավենի հեղինակները մեծ ուշադրություն են հատկացրել #FreeBritney (ազատեք Բրիթնիին) շարժմանը։ Այն առաջացել է 2007թ․-ին։ Այդ ժամանակ ամուսնու հետ խնդիրների ֆոնին Սփիրսը նյարդային պոռթկում է ունեցել. նա պապարացիների աչքի առաջ սափրել է գլուխն ու ոչ ադեկվատ վարքագիծ դրսեւորել։ Երգչուհու հայրը դարձել է նրա խնամակալը, եւ այդ ժամանակվանից արդեն 13 տարի Բրիթնին կախված է իր կյանքի վերաբերյալ նրա որոշումներից։

Սփիրսը չի կարողանում ամբողջությամբ տնօրինել մեծ ունեցվածքը, ինչպես նաեւ որդիների հետ նախատեսվածից ավելի շատ հանդիպել։ Երկրպագուները պահանջում են «ազատել» երգչուհուն։ Այդ ամբողջ տարիների ընթացքում նրանք դժբախտությունների համար մեղադրել են նախկին ամուսնուն՝ ռեփեր Քեւին Ֆեդերլայնին, ինչպես նաեւ հորը։ Սակայն նոր ֆիլմի թողարկումից հետո անցում են կատարել Ջասթին Թիմբերլեյքին։

Երիտասարդության տարիներին նա «’N Sync» հայտնի խմբի անդամ է եղել, սակայն 2000-ակաների սկզբին սկսել է հաջող անհատական կարիերա։ Շատերը վստահ են, որ նրա հայտնիությանը նպաստել է Բրթնի Սփիրսիրի եւ իրենց սիրավեպի օգտագործումը։ 1998-2002թթ. զույգը հանդիպել է՝ հարցազրույցներում վստահեցնելով, որ ինտիմ հարաբերությունների չունի, քանի որ Սփիրսը հավատում է մաքրությանը նախքան ամուսնությունը։ Սակայն բաժանումից հետո Թիմբերլեյքը հայտարարել է, որ իրենք սեռական հարաբերություն ունեցել են, իսկ Սփիրսը նաեւ դավաճանել է իրեն։

Ինտիմ կյանքի մասին հարցազրույցներն օգնել են Թիմբերլեյքի կարիերային, ինչպես եւ «Cry me a river» երգը։ Սփիրսից բաժանվելու թեմայով երգը հիթ դարձավ, տեսահոլովակում ներկա էր նաեւ «երգչուհին»։ 2021թ․-ին Սփրիրսի երկրպագուները կարծել են, որ արտիստը պարզապես զրպարտել է Բրիթնիին։ «Ես սպասում եմ, երբ Ջասթին Թիմբերլեյքը հրապարակային ներողություն կխնդրի Բրիթնի Սփիրոսից», «Թիմբերլեյքը կարիերան նրանից է սկսել եւ վաստակել է իրենց հարաբերությունների շնորհիվ»,- նմանատիպ մեկնաբանություններ են հայտնվել սոցիալական ցանցերում։

Կանանց իրավունքների համար պայքարի ֆոնին Թիմբերլեյքին իր մասնակցությամբ եւս մեկ սկանդալային էպիզոդ են հիշեցրել։ 2004թ․-ին «Super Bowl»-ին ելույթի ընթացքում Թիմբերլեյքը «պատահաբար» պատռել է Ջանեթ Ջեքսոնի տոպի մի մասը՝ ուղիղ եթերում մերկացնելով նրա կուրքծը։ Հեց այդ պատճառով ԱՄՆ-ում բոլոր ուղիղ հեռարձակումները մի քանի վայրկյան ուշացումով են արվում։

Այդ ժամանակ Ջեքսոնն ու Թիմբերլեյքը ներողություն են խնդրել կատարվածի համար՝ այն պատահականություն անվանելով։ Սակայն շատերը վստահ են, որ զույգը նախապես պատրաստել էր միջադեպը։

 Այժմ արդեն օգտատերերը խոսում են այն մասին, որ Ջասթինը պարզապես օգտագործել է եւս մեկ կատարողի՝ նրա հաշվին կարիերայում աճ գրանցելու համար։ «Նա վնասեց Բրիթնիին, հետո նույն կերպ վարվեց Ջանեթ Ջեքսոնի հետ», «Ես հասկացա, որ Ջասթին Թիմբերլեյքն այս ամբողջ ընթացքում չարագործ է եղել։ նախ Բրիթնիի, հետո Ջանեթի հետ»,- արտիստին քննադատել են հետեւորդները։

Բրիթնի Սփիրսը, կարծես, անբարեհաճ վերաբերմունք չունի նախկին սիրելիի նկատմամբ։ 2020թ․-ին նա նույնիսկ գովել է նրա «Filthy» երգը՝ իր միկրոբոլոգում հրապարակելով պարը դրա հնչյունների ներքո։ Սակայն երկրպագուները վստահ են, որ երգչուհին պարզապես չի հասկանում, թե որքան դժբախտություններ է իրեն բերել Թիմբերլեյքը։