Գերմանիայի նախագահն անվանել է էներգետիկան «վերջին կամուրջը» Ռուսաստանի եւ Եվրոպայի միջեւ
Էներգետիկան «վերջին կամուրջն» է Ռուսաստանի եւ Եվրոպայի միջեւ, այն չարժե քանդել, հայտարարել է Գերմանիայի նախագահ Ֆրանկ Վալտեր Շթայնմայերը Rheinische Post պարբերականին տված հարցազրույցում:
«Վերջին տարիներին հարաբերությունների հետեւողական վատացումից հետո էներգետիկայի ոլորտում կապերը մնում են քիչ թե շատ վերջին կամուրջը Ռուսաստանի եւ Եվրոպայի միջեւ: Երկու կողմերը պետք է մտածեն՝ արժե արդյոք ամբողջովին եւ անդառնալիորեն քանդել այդ կամուրջը»,-նշել է նախագահը:
Այդպես նա մեկնաբանել է «Հյուսիսային հոսք-2» ռուս-գերմանական գազատարի շինարարությունը դադարեցնելու կոչերը Ալեքսեյ Նավալնիի շուրջ ստեղծված իրավիճակի կապակցությամբ: Շթայնմայերի կարծիքով՝ եվրոպական երկրները չեն կարողանա ազդել իրենց կարծիքով անընդունելի իրավիճակի վրա, եթե խզեն Ռուսաստանի հետ վերջին կապերը:
Նավալնիի շուրջ իրավիճակը «Հյուսիսային հոսք-2»-ի հետ կապելու փորձերի դեմ են ներկայացել նաեւ Գերմանիայի էկոնոմիկայի եւ էներգետիկայի նախարար Պետեր Ալթմայերը, Ռուսաստանի հետ գործերով Գերմանիայի կառավարության համակարգող Յոհան Զաթխոֆը, ինչպես նաեւ Ավստրիայի կանցլեր Սեբաստիան Կուրցն ու այլ քաղաքական գործիչներ, հաղորդում է Газета.ru-ն:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Ով ինչպես է սիրում Հայաստանը
Չորս հայ գերրիներ են վերադարձել Հայաստան
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
ՀՅԴ-ն որոշում ունի․ որ ուժի հետ դաշինք կկազմի
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան