Netflix-ն Օբամաների ընտանիքի հետ նախագծեր կթողարկի

Netflix-ը նախագծեր կգործարկի ԱՄՆ նախկին նախագահ Բարաք Օբամայի ընտանիքի հետ։ ԱՄՆ նախկին նախագահի եւ նրա տիկնոջ՝ Միշել Օբամայի պրոդյուսերական ընկերությունը՝ Higher Ground Productions-ը, կստեղծի մի քանի ֆիլմեր եւ սերիալներ: Այս մասին հաղորդագրություն է հայտնվել սթրիմինգային ծառայության կայքում։

«Higher Ground Productions - ը՝ Բարաք եւ Միշել Օբամաների պրոդյուսերական ընկերությունը, Netflix-ի հետ համատեղ այսօր հայտարարել է առաջիկա մի քանի նախագծերի մշակման մասին», - ասված է տեքստում:

Նշվում է, որ դրանք կլինեն գեղարվեստական, վավերագրական, ինչպես նաեւ մանկական եւ ընտանեկան ֆիլմեր եւ սերիալներ: Բոլոր նշված ծրագրերը գտնվում են ստեղծման տարբեր փուլերում։

Օբամա ընտանիքի եւ Netflix-ի համատեղ նախագծերի թվում նշվում է դեռահասների համար սերիալը։ Նաեւ պատրաստվում է ազգային պարկերի եւ վայրի բնության մասին սերիալ, գիտաֆանտաստիկ եւ Էվերեստի առաջին նվաճողներից մեկի՝ նեպալցի Տենցինգա Նորգեի մասին ֆիլմ: Բացի այդ, համագործակցության շրջանակներում ֆիլմ է ստեղծվում Մոհսին Համիդի «Ելք դեպի Արեւմուտք» (Exit West) գրքի մոտիվներով, որտեղ դերը կատարում է բրիտանացի դերասան Ռիզ Ահմեդը: