ԵՄ-ն Անկարայից սպասում է գործողություններ, այլ ոչ թե խոսքեր
Եվրամիությունը կարծում է, որ Թուրքիայի հետ հարաբերությունները կարգավորելու համար Անկարան պետք է դա ապացուցի գործողություններով, այլ ոչ թե խոսքերով: Այս մասին հայտարարել է ԵՄ պաշտոնական ներկայացուցիչ Պետեր Ստանոն Բրյուսելում Թուրքիայի արտաքին գործերի նախարար Մեւլյութ Չավուշօղլուի հետ հանդիպման նախաշեմին:
«Մեզ համար կարեւոր է, որ Եվրամիությունն ու նրա անդամ պետությունները տեսնեն իրենց մտադրությունների իրականացումը գործնականում»,-ասել է Ստանոն, հաղորդում է France24-ը:
ԵՄ քաղաքական առաջնորդներն ընդլայնել են թուրք պաշտոնյաների դեմ պատժամիջոցները, որոնք մասնակցել են Կիպրոսի ափերի մոտ ածխաջրածինների հորատմանը: Նրանք պետք է կրկին հանդիպեն մարտին հետագա պատժիչ միջոցները քննարկելու համար:
Թուրքիայի նախագահ Ռեջեփ Էրդողանը խոստացել է ժողովրդավարական եւ դատական բարեփոխումներ անցկացնել, որպեսզի երկրին օգնի համապատասխանել Եվրամիությունում անդամակցության չափանիշներին:
Ֆրանսիան, Հունաստանն ու Կիպրոսը պնդում են, որ ԵՄ-ն պետք է ավելի կոշտ մոտեցում ցուցաբերի Թուրքիայի նկատմամբ՝ ներառյալ այդ երկիր զենքի մատակարարման էմբարգոյի սահմանումԸ:
Գերմանիայի արտաքին գործերի նախարար Հեյկո Մաասը երկուշաբթի Անկարայում բանակցություններ է վարել Չավուշօղլուի հետ: Նա ասել է, որ Բեռլինը «դրական ազդանշաններ» է տեսել Թուրքիայի կողմից:
Դորա Բակոյաննին՝ հույն պատգամավոր եւ ԱԳ նախկին նախարար, այս շաբաթ Մաասին կոչ է արել բացատրել, թե ինչու է նա լռել Չավուշօղլուի հետ ասուլիսի ժամանակ, երբ թուրք նախարարը կրկնել է Հունաստանի հասցեին սպառնալիքները:
«Երկու երկրների միջեւ ցանկացած լարվածության համար պատասխանատու կլինի Աթենքը, եթե հրաժարվի համագործակցությունից»,-ասել է Չավուշօղլուն:
Բակոյաննին ասել է, որ Հունաստանն իրավունք ունի վճռականորեն հայտնել իր դժգոհությունը, եթե Մաասը հասկացել է Չավուշօղլուի մեկնաբանությունները եւ չի արձագանքել:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը