Մոնղոլիայի վարչապետն առաջարկում է կառավարությանն ազատել ծննդկանի հետ կապված դեպքի պատճառով
Մոնղոլիայի վարչապետ Ուհնագիյն Հուրելսուհը առաջարկել է ամբողջ կառավարությանն ազատել կորանվիրուսով վարակվածների համար ստացիոնար ծննդկանին պատշաճ կերպով չտեղափոխելու միջադեպի պատճառով, հայտնում է «Սինհուան»:
Վարչապետի առաջարկը քննարկելու են իշխող կուսակցության անդամները, այնուհետեւ՝ խորհրդարանը:
Հունվարի 20-ին Մոնղոլիայի առողջապահության նախարար Թոգթմոլին Մունհսայհանը, ինչպես նաեւ փոխվարչապետ եւ կորոնավիրուսի դեմ պայքարի պետական արտակարգ հանձնաժողովի ղեկավար Յանգուգիյն Սոդբաթարը հրաժարական էին ներկայացրել: Այս քայլի պատճառը հանրային գժգոհությունն էր, որն առաջացրել էր կորոնավիրուսով վարակվածների համար ստացիոնար ծննդկանի եւ նրա երեխայի տեղափոխման հետ կապված միջադեպը:
ՄՕՆՑԱՄԷ գործակալությունը հայտնում է, որ հունվարի 19-ին համացանցում տեսանյութ էր տարածվել, որում վերջերս ծննդաբերած կինը, ում մոտ կորոնավիրուս էր հայտնաբերվել, եւ նրա երեխան Վարակիչ հիվանդությունների ազգային հետազոտական կենտրոն էին տեղափոխվում առանց տաք վերնահագուստի, կոշիկի եւ անհատական պաշտպանության միջոցների:
Հունվարի 20-ին Ուլան Բատորի կենտրոնում կատարվածի պատճառով տեղի էր ունեցել բողոքի ցույց: Ցուցարարները դատապարտել էին ծննդկանի նկատմամբ «անմարդկային վերաբերմունքը» եւ պահանջել են փոխվարչապետի եւ առողջապահության նախարարի հրաժարականը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Ով ինչպես է սիրում Հայաստանը
Չորս հայ գերրիներ են վերադարձել Հայաստան
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
ՀՅԴ-ն որոշում ունի․ որ ուժի հետ դաշինք կկազմի
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...