Թուրքիայի իշխանությունները պետք է հասկանան, որ Եվրամիությանը շանտաժի ենթարկել չեն կարող
Թուրքիայի իշխանությունները պետք է հասկանան, որ Եվրամիությանը շանտաժի ենթարկել չեն կարող: Այս մասին NEWS.am-ի հետ զրույցում ասաց Եվրախորհրդարանի պատգամավոր Ֆրանկ Էնգելը:
Նրա խոսքով՝ Գերմանիայի ղեկավարությունը վերանայում է Թուրքիայում ներդրումներ կատարող տնտեսական օպերատորներին հատկացվող պետական երաշխիքները, եւ այս ներդրումներն, անկասկած, կկրճատվեն: Այնուհետեւ Էնգելը շարունակեց, որ Գերմանիան միաժամանակ հանդես է եկել պաշտոնական նախազգուշացմամբ՝ ուղղված Թուրքիա ուղեւորվող Գերմանիայի քաղաքացիներին, հստակ նշելով, որ նրանց կարող է սպառնալ պատահական կամ կամայական կալանքը: Սա, ըստ Եվրախորհրդարանի պատգամավորի, աննախադեպ լեզու է, սակայն ներկայիս հանգամանքների պայմաններում Գերմանիան ճիշտ է վարվում:
Պատգամավորի խոսքով՝ եթե Թուրքիայի իշխանությունները չհասկանան, որ իրենք չեն կարող ԵՄ-ին եւ իրենց մյուս գործընկերներին ու դաշնակիցներին շանտաժի ենթարկել, չգիտակցեն այն բանի նվազագույն ըմբռնումը, որ Թուրքիան վերափոխվում է բռնապետական ոստկանական պետության, որտեղ վերացվում է օրենքի գերակայությունը, եվրոպական երկրները պետք է ընդհանրապես վերանայեն Անկարայի հետ իրենց հարաբերությունները: «Եվրախորհրդարանում մենք բազմիցս ենք կոչ արել սառեցնել ԵՄ-ին Թուրքիայի անդամակցության շուրջ բանակցությունները: Եվ ես կարծում եմ, որ մենք, ի վերջո, պետք է անցնենք պաշտոնապես դրանք դադարեցնելուն, ինչպես նաեւ նախնական փուլում ֆինանսավորումը դադարեցնելուն: Այս Թուրքիան կանգնած է Եվրոպայից հեռանալու, այլ ոչ թե դեպի Եվրոպա գնալու ճանապարհին»,- ընդգծեց Ֆրանկ Էնգելը:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...