ԵՄ-ի ազատ մուտքի իրավունքից օգտվել է Վրաստանի 55 հազար քաղաքացի
2017-ի մարտի 28-ին Եվրոպական միության հետ առանց վիզային ռեժիմի հաստատումից հետո ազատ մուտքի իրավունքն օգտագործել է Վրաստանի ավելի քան 55 հազար քաղաքացի: Նրանցից թույլատրված ժամկետում դեռևս չի վերադարձել 3000-ը: Տեղեկությունները հաղորդել է Վրաստանի ներքին գործերի փոխնախարար Շալվա Խուցիշվիլին: Ըստ նրա՝ չվերադարձած անձանց ինքնությունը պարզ է, այս փուլում չի կարելի ասել, թե նրանք խախտել են 90-օրյա կեցության ժամկետը, քանի որ նրանց մի մասը կարող էր մեկնած լինել այնպիսի երկրներ, որոնց հետ Վրաստանը վիզային ռեժիմ չունի։
«Հնարավոր է նրանք մեկնել են Ուկրաինա, Թուրքիա, Բելառուս: Միանշանակ չի կարելի ասել, որ նրանք խախտել են թույլատրելի ժամկետները, բայց, ամեն դեպքում, նախարարությունը նրանց ներառել է հնարավոր ռիսկային խմբում, և մոնիթորինգ է իրականացվում՝ որ շրջաններից են նրանք մեկնել, ովքեր են, ինչ կապեր ունեն և այլն։ Հիմնականում մեծ ռիսկեր չկան, քանի որ մեծ մասը հետ է վերադառնում: Երկրներից, ուր մեկնում են Վրաստանի քաղաքացիները, ահազանգեր չկան»,- ասել է Խուցիշվիլին՝ նշելով, որ հիմնականում մեկնում են այն երկրներ, որոնց հետ Վրաստանն ուղիղ օդային հաղորդակցություն ունի, կամ մեծ սփյուռք: Դրանք են Գերմանիան, Ֆրանսիան, Լեհաստանը, Հունաստանը և այլն:
Աղբյուրը՝ aliq.ge
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...