Չինաստանում հայտնաբերվել է կորոնավիրուսի բրիտանական շտամը

Շանհայի բժիշկներն առաջին անգամ Չինաստանի տարածքում հայտնաբերել են կորոնավիրուսի նոր շտամը, որն ավելի վաղ հայտնաբերվել էր Մեծ Բրիտանիայում: Այդ մասին հայտնել է China Daily թերթը՝ հղում անելով Չինաստանի հիվանդությունների վերահսկման եւ կանխարգելման կենտրոնի հաշվետվությանը, հաղորդում է ՏԱՍՍ-ը:

Դեկտեմբերի 14-ին կորոնավիրուսի թեստ է հանձնել 23-ամյա ուսանողուհին, որը Շանհայ էր վերադարձել Միացյալ Թագավորությունից. թեստի արդյունքը դրական էր: Կնոջից վերցված նմուշառման լաբորատոր հետազոտությունը հաստատել է բրիտանական շտամը:

Դեկտեմբերի 12-ին՝ Չինաստան մեկնելուց երկու օր առաջ, նրա թեստի արդյունքը բացասական էր: