«Աթլետիկոն» խզեց պայմանագիրը Դիեգո Կոստայի հետ

Մադրիդի «Աթլետիկոն» հայտարարել է հարձակվող Դիեգո Կոստայի հետ պայմանագիրը խզելու մասին։ Այն նախատեսված էր մինչեւ այս մրցաշրջանի ավարտը։

Ակումբից հայտնում են, որ որոշումն ընդունվել է ֆուտբոլիստի ցանկությամբ։ Դիեգո Կոստայի մոտ կորոնավիրուսից հետո ախտորոշվել էր խորադիր երակների թրոմբային հիվանդություն։

32-ամյա ֆուտբոլիստը 215 պաշտոնական հանդիպում է անցկացրել մադրիդյան ակումբում՝ դառնալով 83 գոլի եւ 36 գոլային փոխանցման հեղինակ։ «Աթլետիկոյի» հետ Կոստան դարձել է Իսպանիայի չեմպիոն (2013-14), գավաթակիր (2013), Եվրոպայի լիգայի հաղթող (2018) Եվրոպայի եռակի սուպերգավաթակիր (2010, 2012, 2018)։