Իսկոն որոշել է՝ որտեղ է ցանկանում շարունակել կարիերան

Մադրիդի «Ռեալի» և Իսպանիայի ազգային հավաքականի կիսապաշտպան Իսկո Ալարկոնը վերջնական որոշում է ընդունել հեռանալ Արքայական ակումբից:

AS-ի հաղորդմամբ՝ 28-ամյա Իսկոն որոշել է ընթացիկ մրցաշրջանի ավարտից հետո տեղափոխվել «Սևիլիա»:

Ավելի վաղ հայտնի էր դարձել, որ Արքայական ակումբի մի քանի առաջատարներ դժգոհ են 28-ամյա ֆուտբոլիստի աշխատանքից: Նա նաև կոնֆլիկտ ունի «Ռեալի» ավագ Սերխիո Ռամոսի հետ, որի հետ չի հաղորդակցվում:

Իսկոն 2013 թվականից է հանդես գալիս «Ռեալում», որի հետ նրա գործող պայմանագիրը նախատեսված է մինչեւ 2022թ․ հունիս։

Իսպանիայի ընթացիկ առաջնությունում կիսապաշտպանը մասնակցել է 10 հանդիպման և դարձել մեկ գոլային փոխանցման հեղինակ: