«Բրայթոնի» 20-ամյա պաշտպանը՝ «Արսենալի» ուշադրության կենտրոնում

Լոնդոնի «Արսենալը» առաջիկա տրանսֆերային պատուհանի ընթացքում ցանկանում է ուժեղացնել թիմի պաշտպանությունը:

Goal.com-ի հաղորդմամբ՝ «Արսենալի» ուշադրության կենտրոնում է հայտնվել «Բրայթոնի» 20-ամյա անգլիացի պաշտպան Թարիք Լեմփթին:

«Արսենալը» ցանկանում է Լեմփթիի տեղափոխությունն իրականացնել Հեկտոր Բելերինի տրանսֆերային իրավունքի վաճառքից ստացվելիք գումարով:

Ընթացիկ մրցաշրջանում Թարիք Լեմփթին «Բրայթոնի» կազմում մասնակցել է 11 հանդիպման, խփել 1 գոլ, կատարել 3 գոլային փոխանցում: