«Չեմ հասկանում՝ վարչապետ ունե՞նք, թե՞ բրոքեր, օրը մի տարածք հանձնում է». Գևորգ Պետրոսյան
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի խոսքով՝ երկրում տեղի ունեցած վերջին արհավիրքից հետո հույս ուներ, որ իշխանական պատգամավորները, մասնավորապես՝ վարչապետի պաշտոնը ծանրաբեռնող Նիկոլ Փաշինյանը, կսկսեն առաջնահերթությունները մեկը մյուսից տարբերել:
«Հիմա ես այստեղից պետք է գնամ մի պաշտոնյայի մոտ և նրան խնդրեմ, որպեսզի արագացնի 70 օր անհայտ կորած ու մահացած հայտնաբերված զինվորի ԴՆԹ անալիզը, որպեսզի կարողանան այդ զինվորի հուղարկավորությունն անեն: Այդ զինվորի ծնողները խելագարվում են, ասում են, երևի իրենք ավելի շուտ կմահանան, քան իրենց զինվորի դին կհասցնեն տուն: Այ սրա մասին պետք է մտածի Նիկոլ Փաշինյանը: Ես չեմ հասկանում՝ մենք վարչապետ ունե՞նք, թե՞ բրոքեր, օրը մի տարածք հանձնում է: Վարչապետը պետք է այսօր ընկած լիներ այս ու այն կողմ ու այդ հարցերը լուծեր»,- այս մասին խորհրդարանում հրավիրած մամուլի ասուլիսի ժամանակ ասաց Գևորգ Պետրոսյանը:
Ըստ նրա, Նիկոլ Փաշինյանը գերիների, անհայտ կորածների հարցերը թողած՝ Նաիրա Զոհրաբյանին ԱԺ Մարդու իրավունքների պաշտպանության հանձնաժողովի նախագահի պաշտոնից է ուզում հեռացնել:
«Ես չեմ կասկածում, որ այսօր խորհրդարանում իշխանական խմբակցությունն այդ նախագծին կողմ է քվեարկելու, լավ, պատկերացրեք՝ տիկին Զոհրաբյանը հեռացավ այդ պաշտոնից, հետաքրքիր է, ո՞վ է լինելու նրան փոխարինողը: Այն, ինչ տիկին Զոհրաբյանն արել է եվրոպական կառույցներում, այս քայլարածներից ո՞վ է արել: Գնում են այնտեղ, մեզ խայտառակ են անում, բուֆետներից դուրս չեն գալիս»,- շեշտեց նա:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Աշխատանքի հնարավորություն՝ ՊԵԿ հեռախոսազանգերի կենտրոնում
ՀՅԴ-ն որոշում ունի․ որ ուժի հետ դաշինք կկազմի
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...