ՊԵԿ ղեկավարությանը տրված ժամանակը սպառվում է
«168 ժամ» թերթը գրում է. «Պետեկամուտների կոմիտեի շուրջ աղմուկը վերջին շրջանում ոչ մի կերպ չի հանդարտվում։ Թվում է, թե մոտեցել է Դավիթ Անանյանին եւ կոմիտեի մի շարք պաշտոնյաներին հրաժեշտ տալու ժամանակը։ Իհարկե, կառավարության ղեկավարն առայժմ կարծես չի շտապում։ Բայց դա չի նշանակում, թե կոմիտեում պաշտոնանկությունները սարերի հետեւում են։
Ընդ որում, խնդիրը ոչ թե այն է, որ այստեղ «քարտուղարուհին քարտուղարուհի է պահում», կամ կոմիտեի ղեկավարությունն իրեն աստղաբաշխական պարգեւատրումներ է գրում, երբ կառավարությունը միջոցներ չի կարողանում գտնել սոցիալական խոցելի խմբերի, մասնավորապես՝ կենսաթոշակառուների եւ նպաստառուների եկամուտները գոնե փոքր-ինչ ավելացնելու համար։ Խնդիրը նաեւ այն չէ, որ կառույցում մի կողմից՝ օպտիմալացում է գնում, մյուս կողմից՝ անհասկանալի հաստիքներ են բացվել՝ հավանաբար ծանոթ-բարեկամներին տեղավորելու համար։
Որքան էլ կարող է տարօրինակ լինել, ՊԵԿ-ում հաստիքներ կան, որ այլ կառույցներում դժվար է գտնել։ Ասենք՝ վարչության կամ վարչության պետի խորհրդական։ Թե ի՞նչ է ենթադրում այս պաշտոնը՝ մնում է միայն գուշակել։
Կամ, ասենք` հայտարարվում է պետական կառավարման համակարգում ծառայողական մեքենաների ավտոպարկը կրճատելու մասին, բայց ՊԵԿ-ում նույնիսկ բաժնի պետերը շրջում են ծառայողական մեքենաներով։ Որ կոմիտեի առանձին ստորաբաժանումներ իսկապես ծառայողական մեքենաների անհրաժեշտություն ունեն, իրականում այդպես էլ կա։ Ասենք, օպերատիվ աշխատանք իրականացնող ստորաբաժանումները։ Թեեւ, որոշ տեղեկություններով, վերջերս օպերվարչությանն ամրացված ծառայողական մեքենաները սկսել են հետ վերցնել եւ տալ այլ բաժինների»:
Մանրամասները՝ թերթի այսօրվա համարում
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԵՔՀ 8-րդ գագաթնաժողովի բացման արարողությունը Երևանում. ուղիղ
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Միխայիլ Մուդրիկը հակադոպինգային կանոնները խախտելու համար որակազրկվել է 4 տարով