Ուկրաինայի դրոշը հեռացվել է ֆրանսիական Վիենի քաղաքապետարանի ճակատային հատվածից Զելենսկու՝ Ադրբեջանի հետ համագործակցության մասին հայտարարությունից հետո
Ֆրանսիայի հարավ-արևելքում գտնվող Վիեն քաղաքի քաղաքապետ Թիերի Կովաչը կարգադրել է հանել ուկրաինական դրոշը քաղաքապետարանի շենքի ճակտոնից Ուկրաինայի նախագահ Վլադիմիր Զելենսկու՝ Ադրբեջանի հետ համագործակցության մասին հայտարարությունից հետո։
Այս մասին գրում է ՌԻԱ Նովոստին՝ հղում անելով Dauphiné libéré պարբերականին։
«Չի կարելի վկայակոչել արևմտյան արժեքները և դրա հիման վրա օգնության կանչել Արևմուտքին` միաժամանակ կիսելով Լեռնային Ղարաբաղում էթնիկ զտումների նախաձեռնողը հանդիսացող ռեժիմի տեսլականը։ Ադրբեջանի բռնապետին աջակցություն հայտնելու այս ձևն անընդունելի է։ Այս հեռացումը (դրոշի - խմբ.) ոչ մի կերպ չի նվազեցնում այն աջակցությունը, որը Վիենը ցուցաբերում է ուկրաինացի ժողովրդին», - քաղաքապետի խոսքերն է մեջբերում պարբերականը։
Կովաչը նաև շեշտել է, որ «չի կարելի շնորհակալություն հայտնել Բաքվին» մարդասիրական օգնության համար, մասնավորապես՝ էներգետիկ ոլորտում ցուցաբերված աջակցության, քանի որ Ադրբեջանը «գազը մեկուկես անգամ թանկ գնով է վաճառում՝ Հայաստանի դեմ իր ռազմական ջանքերը ֆինանսավորելու համար»։
Հիշեցնենք, որ օրերս Զելենսկին հայտնել էր Ալիևի հետ ունեցած հեռախոսազրույցի մասին, որի ընթացքում շնորհակալություն էր հայտնել Ադրբեջանի կողմից ցուցաբերվող մարդասիրական օգնության, մասնավորապես՝ ձմռանն ընդառաջ էներգետիկայի ոլորտին ցուցաբերված աջակցության համար։ Բացի այդ, կողմերը մտքեր էին փոխանակել նաև տարածաշրջանային անվտանգության, ներկա մարտահրավերների և փոխգործակցության ձևաչափերի շուրջ։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԵՔՀ 8-րդ գագաթնաժողովի բացման արարողությունը Երևանում. ուղիղ
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Միխայիլ Մուդրիկը հակադոպինգային կանոնները խախտելու համար որակազրկվել է 4 տարով